川花烤魚

營業中

休息中

在荃灣廣場對面街居然有間烤魚店，不用北上荃灣區都可食到烤魚。全餐廳以木來做設計，好像置身於北歐嘅小木屋裏面，牆上有掛畫，背景播放音樂，感覺非常溫暖。天氣轉冷，再食熱辣辣的烤魚，真係幸福滿瀉。烤魚以gas 爐熱辣辣煲住上菜，魚上面有大量芽菜、蔥碎、辣椒碎、芫荽、腐竹。烤魚非常新鮮，即叫即烤。條烤魚真係正到爆燈啊！魚皮煎到金黃脆卜卜，一啖咬落去『咔嚓』聲，入面嘅魚肉仲嫩滑到識溜入口㗎！麻辣湯底勁香濃，花椒同辣椒嘅香氣撲鼻，麻得嚟又唔會太嗆喉，仲要夠熱，真係食到停唔到口！ 配菜都超有驚喜——薯仔煮到粉糯入味，蓮藕爽脆吸汁，仲有索晒湯汁嘅豆腐同寬粉，每啖都辣得好過癮！最正係個湯底，香辣鮮甜，撈飯食簡直係無敵，食到最後連汁都撈清光！