影片
更多
2023-10-12
170 瀏覽
海之戀Donki旁邊呢間老掌櫃東北菜館, 每一次經過見到都係要排隊, 好多人等位的; 位置相當方便, 價錢實惠, 份量又多, 抵食夾大件! 中式裝修, 環境簡簡單單, 下單都好方便, 用QR code掃下就可以, 上菜都好快。餐牌上有東北菜外, 同時會提供廣東, 京川滬菜, 粉麵, 米線, 雲吞, 餃子, 湖南, 四川等多款中國菜。我地叫咗京蔥羊肉餃子, 蔥爆牛肉, 北京填鴨半隻及炒飯。 京蔥羊肉 （10隻）- $52冇咩羊肉嘅騷味, 但都鮮嫩, 加上吸上京蔥嘅香, 都算唔錯。蔥爆牛肉 - $86牛肉嘅份量都多, 亦都唔會好細塊, 配埋大量嘅洋蔥同大蔥一齊炒, 都幾惹味, 上枱嘅時候仲係熱辣辣, 即叫即炒, 不過有少少炒老了。北京填鴨 （半隻）- $168呢碟絕對係必叫, 人氣之選, 因價錢真係抵食; 刀工唔差, 片片都差不多大細, 鴨皮同埋肉嘅比例啱啱好, 而鴨皮燒得都幾香, 鴨皮仲脆口; 餅皮口感偏煙靭, 皮鴨配埋青瓜, 京蔥及醬汁一齊食, 味道啱啱好; 都值得一試再試, 而且真係好抵食, 半隻先至$168, 唔怪得成日都賣晒啦。蝦炒蛋飯 - $76正常發揮嘅炒飯, 炒得粒粒分明,
京蔥羊肉 （10隻）- $52
冇咩羊肉嘅騷味, 但都鮮嫩, 加上吸上京蔥嘅香, 都算唔錯。
蔥爆牛肉 - $86
牛肉嘅份量都多, 亦都唔會好細塊, 配埋大量嘅洋蔥同大蔥一齊炒, 都幾惹味, 上枱嘅時候仲係熱辣辣, 即叫即炒, 不過有少少炒老了。
北京填鴨 （半隻）- $168
呢碟絕對係必叫, 人氣之選, 因價錢真係抵食; 刀工唔差, 片片都差不多大細, 鴨皮同埋肉嘅比例啱啱好, 而鴨皮燒得都幾香, 鴨皮仲脆口; 餅皮口感偏煙靭, 皮鴨配埋青瓜, 京蔥及醬汁一齊食, 味道啱啱好; 都值得一試再試, 而且真係好抵食, 半隻先至$168, 唔怪得成日都賣晒啦。
蝦炒蛋飯 - $76
正常發揮嘅炒飯, 炒得粒粒分明, 有少少蝦肉, 但顏色差咗少少, 唔夠整色整水, 但整體都香口。
整體來講, 服務環境就普普通通啦, 可能人太多關係, 店員都好忙, 未必即時服務到, 不過呢度勝在有海景, 價錢實惠。
張貼
