影片
更多
2023-03-02
43 瀏覽
一入到門口成個氣氛都relax，店內佈置都好有心思，入口位置掛左燈籠，牆上面貼滿日本風的海報，好易投入日本的感覺睇下本menu，估唔到鋪仔細細，但係menu都好大，唔同類型的食物都有，炸物 串燒 刺身 鍋物 板飯 烏冬 小食，同埋居酒屋唔少得一個豐富既酒menu！首先上清酒煮大蜆店員會喺你面前幫你煮，點火令酒精揮發，留低清酒的香味，加入京蔥、辣椒同蜆蜆一開口就食得，雖然好似好簡單，但真係好好食！蜆肉剛剛熟好嫩，個湯好香好清甜！湯底的昆布同辣椒令味道更加有提鮮的效果喺依家時冷時熱既天氣飲碗熱湯，好舒服好滿足😍鱈魚白子個面燒過，食落口有少少焦香，成個鱈魚白子都好滑，放入口滑到會自己溶咁，配左柚子醋同蘿蔔蓉，仲有少少蔥花，鮮得黎唔會腥第一次食依樣野，原來咁好食！！串炸都做得唔錯，炸漿唔會好厚同沾得好平均鵪春蛋有啲流心！幾過癮冬菇超大超厚，菇味都好濃白板魚蛋都好彈牙三文魚親子串好出色！三文魚都有返甘上下厚度，炸完啲肉都好粉嫩，記得加埋沙律醬同三文魚子一齊食黑松露玉子燒一上枱已經勁香黑松露味，黑松露俾得好大方，同埋成碟個份量都好大份！特色燒飯團外面燒焦燒得好靚！咬落口脆卜卜，少啲心機同時間都燒唔
一入到門口成個氣氛都relax，店內佈置都好有心思，入口位置掛左燈籠，牆上面貼滿日本風的海報，好易投入日本的感覺
睇下本menu，估唔到鋪仔細細，但係menu都好大，唔同類型的食物都有，炸物 串燒 刺身 鍋物 板飯 烏冬 小食，同埋居酒屋唔少得一個豐富既酒menu！
首先上清酒煮大蜆
店員會喺你面前幫你煮，點火令酒精揮發，留低清酒的香味，加入京蔥、辣椒同蜆
清酒煮大蜆
5 瀏覽
0 讚好
0 留言
蜆一開口就食得，雖然好似好簡單，但真係好好食！蜆肉剛剛熟好嫩，個湯好香好清甜！湯底的昆布同辣椒令味道更加有提鮮的效果
喺依家時冷時熱既天氣飲碗熱湯，好舒服好滿足😍
鱈魚白子
鱈魚白子
4 瀏覽
0 讚好
0 留言
個面燒過，食落口有少少焦香，成個鱈魚白子都好滑，放入口滑到會自己溶咁，配左柚子醋同蘿蔔蓉，仲有少少蔥花，鮮得黎唔會腥
第一次食依樣野，原來咁好食！！
串炸都做得唔錯，炸漿唔會好厚同沾得好平均
鵪春蛋有啲流心！幾過癮
冬菇超大超厚，菇味都好濃
白板魚蛋都好彈牙
三文魚親子串好出色！三文魚都有返甘上下厚度，炸完啲肉都好粉嫩，記得加埋沙律醬同三文魚子一齊食
黑松露玉子燒
一上枱已經勁香黑松露味，黑松露俾得好大方，同埋成碟個份量都好大份！
特色燒飯團
外面燒焦燒得好靚！咬落口脆卜卜，少啲心機同時間都燒唔到，調味方面偏淡，重返啲啲調味就仲正啦
上刺身盛合
每款刺身都好厚切！好新鮮好高質！
平時食油甘魚好多時都帶微微腥味，今次厚切大大啖食都完全無腥味
赤身比平時食開既吞拿魚更冧滑，無筋
飲品叫左青蘋果梳打，白桃highball
見後面枱兩個人都叫highball，我地都叫黎試下
好易入口，白桃味既清香，估唔到同威士忌又幾夾！
本身想試自家手作梅酒/果酒，不過第二日要返工，都係留返下次先
依度仲有啤酒/清酒放題，岩哂酒精愛好者
整體黎講，食物環境都高質，之後都可以再黎！
張貼
