漁樂場

營業中

休息中

今日放假前一晚，緊係要約朋友出街食飯傾計開心下啦😚有幾個同事都推薦我公司附近間烤魚串燒餐廳，話好好食又有氣氛，所以即刻約朋友去食下。一黎到已經好爆場，好彩有book位，餐廳裝修都以工業風設計，幾有特色，原來現場仲有live band唱歌演出，一路聽住歌一路食野，成個環境好輕鬆愉快！菜式方面，就點左招牌菜同新菜式都有：- 招牌香辣江團魚值得一讚魚肉好滑好鮮嫩！有分辣度選擇，叫左小辣，香辣既味道滲入魚肉入面，辣而不燥，果然係招牌烤魚😋- 串燒：叫左豆腐串，香辣雞翼，京蔥美國牛小排串豆腐串好有亮點！燒到外酥內軟，加埋醬汁係面，好惹味，連唔鐘意食豆腐既朋友都肯食一串香辣雞翼都唔錯，香辣口味好惹味，雞皮仲要微脆添但我最鍾意食就係京蔥牛小排串，經典京蔥同牛肉一齊食，真係停唔到口😋最後仲試埋新推出蔥油瑤柱走地雞！一份有半隻咁多，雞肉好嫩滑，搭配蔥油，口感好清新飲品方面，蔗汁銀菊啤真係值得推薦，味道好特別，甘甜中帶住微微啤酒苦澀，好易入口，好清新👍水果茶入面有好多水果，大大杯好抵飲總括嚟講，漁樂場算係視覺、聽覺與味覺的享受，加埋特色環境同氣氛，好適合同朋友聚會或慶祝特別日子。👍👍