老掌櫃東北菜館 (海之戀商場)

營業中

休息中

有D想食片皮鴨，知道荃灣海之戀嘅老掌櫃東北菜館就有得食，於是收工就去幫襯下。估唔到閒日都爆場，嚟遲一步都未必有位，氣氛好熱鬧！最心心念念嘅片皮鴨果然冇令我失望，兩個人叫左半隻，切到好薄，肉唔嚡，塊皮勁香，夾埋配料同醬汁一齊食勁正！另外再叫左麻辣豬耳，分量多得好驚人，夠五六個人share。豬耳唔係普通一條條，而係將豬耳一層層咁壓，凝固左再切片，所以口感好特別，加埋個辣汁好惹味。仲有一味麻醬冷麵，都幾大碗！以為得麻醬，點知有勁多配料，仲有一條條肉絲，唔錯！整體都幾好食，唯一不足係個場太大，人手唔太夠，不過D staff都幾好禮貌，難怪客似雲來！