大滿足火鍋冰室

營業中

休息中

最近同朋友去咗荃灣一間專做烤魚火鍋放題嘅餐廳，環境寬敞，座位間隔大，坐得舒服，唔會有擠迫感，幾適合同朋友慢慢傾偈歎美食。今次我哋揀咗 番茄味烤魚，湯底酸甜濃郁，番茄味好突出但唔會過酸，飲落好順口。魚肉新鮮嫩滑，吸收湯底後更入味。呢間餐廳最大嘅賣點係配料可以自助拎，款式超多而且任食，非常適合食量大或者鍾意試唔同配料嘅人！食烤魚食得差不多就可以加多啲配料當火鍋咁食🤣我哋揀咗 粟米、豆卜，吸收番茄湯底後特別惹味，豆卜吸滿湯汁，一咬爆汁，好滿足！仲有各種蔬菜、丸類、粉絲、冬粉等可以任拎，選擇相當多，唔怕唔夠配料配魚食。除咗基本配料，我哋特別加咗 頂級牛板腱、美國肥牛、手切牛頂級牛板腱：帶少少嚼勁，肉味濃郁，適合鍾意有口感嘅人。美國肥牛：油花分佈均勻，落鍋幾秒就熟，入口即溶，特別嫩滑。手切牛：肉質扎實，牛味特別香，放入番茄湯底煮後更加鮮甜。飲品同雪糕都可以任食，款式都好多，可以自己揀自己中意配搭既組合🤣呢間餐廳烤魚味道正宗，湯底調味剛剛好，加上 自助配料種類多又任食，肉類質素高，絕對適合大胃王或者鍾意試唔同配料嘅食客。兩個人食落覺得份量充足又有飽足感，價錢合理，CP值極高！下次一定要再試其他口味