影片
港鐵荃灣站 B1 出口, 步行約7分鐘
繼續閱讀
電話號碼
34683298
開飯介紹
主打川菜火鍋，提供各式各樣的火鍋配料，包括新鮮肉類、海鮮和蔬菜，而多款湯底之中，麻辣湯底香氣濃郁；另外多款川式小菜，是喜歡麻辣口味的食客必食之選。
繼續閱讀
營業時間
今日營業
06:30 - 00:00
星期一至日
06:30 - 00:00
以上資料只供參考, 請與餐廳確認詳情
有關獎賞計劃
今時今日任飲任食邊爐竟然可以$200有找，睇到個價錢我哋都完全唔相信。最重要係佢呢個價錢仲有超多嘅選擇，淨係湯底已經有18款，而所謂嘅湯底仲係包括烤魚雞煲酸菜魚呢一類足料鍋底。我哋今晚叫咗嘅係雞煲，佢個雞煲真係超好食，個汁暫時係我食過最好食嘅雞煲汁，而且佢啲雞仲好滑，但係又夠晒入味，嗌咗小辣啱啱好。佢個份量兩個人嘅話應該都係上咗半隻雞。然之後更加經驗嘅嘢就嚟啦，因為佢呢度叫其他火鍋料係唔會落單㗎，因為全部都擺晒喺出邊俾你自己揀。最基本嘅菇類丸類瓜瓜菜菜就必定㗎啦。但係估唔到海鮮同埋肉類都係擺晒喺度任你拎。種類仲要唔少添，淨係海鮮都至少有六款，肉類都至少有四五款。而且佢啲海鮮仲好新鮮，啲虎蝦都好大隻，最重要係夠晒新鮮爽口彈牙。最特別嘅係佢仲要泥鯭㖭啊。泥鯭打邊爐真係好鮮甜㗎。然之後呢個手切肥牛都係任拎㗎。然後佢哋只有自己醃嘅花雕雞件都係超級無敵勁嫩滑，我想講佢啲雞真係好出色。至於牛板鍵就每台會送一碟，肉質係真係比較嫩腍啲，但係以呢個價錢其他擺喺出邊任拎嘅肉都其實好高性價比。另一個驚喜位係佢個飲品櫃，除咗普通出邊買到嘅罐裝紙包飲品之外，仲有佢哋自家製嘅冷泡茶同埋檸檬茶。最最最最最最最重要嘅係呢度係有成五款唔同嘅啤酒任飲。坊間其他好多任食或者放題，就算有啤酒俾你任飲都可能只係得一兩款，但係呢度真係比足晒咁多款你慢慢嘆。就好似我哋咁樣儲齊咗五色戰隊，試勻晒邊一隻最好飲添。食完之後佢仲有生果俾你做埋飯後果，真係好貼心㗎。啲橙同埋西瓜都好甜，其實佢仲有雪糕同埋其他甜品，但係真係已經飽到食唔落啦。呢個價錢滿足咁多個願望真係不得了。
繼續閱讀
尋晚同班friend去咗大滿足火鍋冰室打邊爐，真係食到捧住個肚走！🤣 餐廳都幾爆場，平日夜晚去坐滿咁濟😝有分室內同室外坐～佢哋有成18款鍋底，真係好誇張！我哋見到好多枱都叫咗烤魚雞煲，勁香！不過我哋最後都係揀咗椰子雞鍋，因為想試吓佢哋標榜落足3個椰子嘅湯底🥥🥥🥥！任飲任食兩小時，真係夠晒時間慢慢嘆！仲有前菜俾大家食住等，好貼心🥰！飲品方面，除咗特飲，仲有啤酒汽水，啱晒唔同口味嘅朋友🍻！🥥椰子雞鍋 (落3個椰子)個湯底真係好清甜，椰子味好香濃，飲完一碗又一碗！🥥🤤 正呀！🥩頂級牛板腱 (每枱送一碟)呢個牛板腱真係不得了！😍 油花分佈均勻，肉質鮮嫩淥一淥就食得，入口即溶！😋😋😋 🥩手切牛肉味比較濃郁，口感更有咬口鍾意食牛嘅朋友一定要試吓！🥩🤤🦐新鮮基圍蝦基圍蝦好新鮮，肉質爽口彈牙，蝦味濃郁！🦐🦐🦐我哋淥完之後，啲蝦殼好易剝，食得好方便！🦪 香甜波波蜆波波蜆好鮮甜，而且size都幾粒🫶🏿我哋淥咗一大盤，食到好過癮！🥰🦀蟹+瀨尿蝦🦐我哋仲拎咗隻蟹仔同瀨尿蝦🦀蟹肉同蝦肉加少少湯味食落好清甜💕🥬蔬菜蔬菜都好新鮮，種類都幾多我哋拎咗啲菜、菇、豆腐等等，均衡飲食嘛！🥬🍄🥦🧋特飲：紅豆鮮草凍鮮奶🫘呢杯特飲真係好特別！紅豆、鮮草、鮮奶，三個願望一次滿足！紅豆綿密香甜，鮮草清涼解渴，鮮奶香濃順滑，真係好夾！👍🏻👍🏻👍🏻🍨芝麻雪糕+曲奇雪糕最後當然要食甜品啦！芝麻雪糕同曲奇雪糕都好好味！芝麻雪糕芝麻味好香濃，曲奇雪糕就充滿咗曲奇嘅香味，兩個都好正！🍦🍦🍦💕餐廳性價比都唔錯！食物新鮮，選擇多，湯底正，服務好，環境舒適！下次一定會再嚟食！💯💯💯
繼續閱讀
今晚同朋友去咗荃灣大陂坊麻辣雞煲加任食火鍋，每位只係$198，仲包飲品，性價比真係超高！
.
麻辣雞煲，香辣過癮 🌶️🍗
麻辣雞煲一上枱就香氣撲鼻，雞肉嫩滑，配上紅綠彩椒、洋蔥同香菜，麻辣湯汁濃郁，辣度啱啱好，食落幾過癮。彩椒同洋蔥吸咗湯汁，咬落爽脆又juicy，幾好味！
.
任食火鍋海鮮，大蜆同鯪魚球好正！ 🍜🦪
食完雞煲加湯變火鍋，湯底濃郁帶麻香，幾開胃。大蜆好出色，粒粒肥美，煮熟後鮮甜嫩滑，超正！仲有手打鯪魚球，彈牙得來好有魚香，入口即化，值得一試！墨魚涮一涮就Q彈，肥牛薄切軟嫩，丸類同白菜都好入味，選擇多到食唔晒！
.
飲品任飲，甜品都唔錯 🍺🍧
飲品有汽水同啤酒任飲，仲有自煲竹蔗茅根水，清甜解膩！甜品有10款維記雪糕，味道濃郁，食完火鍋再嚟幾球，超滿足！
.
服務幾貼心，店員會主動加湯，換碟都幾勤快。$198包任食火鍋、飲品同啤酒，性價比真係無得輸！
.
🤤未飽啊指數：8/10
👍🏻餐廳性價比：9/10
.
大滿足火鍋冰室 (荃灣)
荃灣大陂坊9-31號泰華大廈地下6-7號舖
.
#hkfoodieblogger #hkfood #foodporn #meibaoar #foodie #飲飲食食 #hkeat #openricehk #hkfoodpic #hkfoodblogger #hkig #hkfoodie #香港美食 #852foodie #foodpornhk #l4l #foodporn #foodgasm #foodlover #hotpot #荃灣美食 #麻辣雞煲 #大蜆 #eat #icecafé
繼續閱讀
｛食盡荃灣之火鍋 — 大滿足火鍋冰室 ｝————————————————一年四日嘅復活節假期就開始啦！ 難得放長假當然要大吃一餐啦！🫡 今次食嘅就係喺荃灣呢一間抵食嘅任食邊爐， 一共有十八款湯底，七點前離座成人都係200蚊唔使有找就可以食足2小時，十分抵食！ 佢所謂嘅湯底其實有水煮魚 烤魚 酸菜魚 或者其他普通嘅湯底， 而我今次就揀咗滋陰嘅椰子雞湯底 首先佢會畀個漏斗我哋計時，話畀我哋聽幾時可以飲得嗰啲椰子雞湯， 佢嘅椰子湯飲落去好清甜， 至於雞嘅話我就鍾意點返少少豉油黎食， 佢畀嘅雞件應該都有半隻，食完雞就可以出面攞料打邊爐啦 出面嘅選擇非常多，海鮮嘅話有蟶子 海蝦 蜆 魷魚等等， 自己拎就得👌 其他肉類就有 肥牛雞件 手切牛等等 另外店員會限量贈送一份頂級牛板腱😋 至於其他蔬菜類都非常多選擇，例如少見d既有海帶同萵筍 至於嘢飲佢哋亦都有滿滿幾個櫃畀你揀呀， 打完邊爐之後佢仲有雪糕 同芒果布甸可以食，真係食到捧住個肚咁走呀🤣 Overall comment: 每款食物嘅選擇都非常之多，座位闊落坐得舒服，環境明亮，性價比高😸
繼續閱讀
$198一位兩小時任食火鍋有海鮮、有自家製茶飲、涼拌小食仲有雪糕任食😍最令人期待係鍋底有好多選擇🥰酸菜魚，麻辣烤魚，雞煲🤭可以先食煲料再慢慢加湯打邊爐唔想太飽，都可以選擇藥膳湯底，椰子湯，番茄薯仔湯 。⭕️今次兩個人點左藥膳雞湯底打邊爐，送上半隻雞件 。湯底好香黃酒味，非常足料，養生又滋補 。⭕️飲品推薦手打香水檸檬茶，同埋竹蔗茅飲落唔舒服，唔會太甜 。除此之外，仲有大量罐裝飲品。⭕️自助區有幾款海鮮卜卜蜆，蠔仔都係出面比較少見嘅火鍋配料大蝦雖然說錯，但都非常新鮮👍🏻👍🏻⭕️其他配料，例如丸類、蔬菜、炸魚皮、腐竹等等都係正常發揮。最令人滿意驚喜係自家製韭菜餃，新鮮即製，鄙薄餡靚，見有客人一打買走 ，就知好食💪🏻
繼續閱讀