大滿足火鍋冰室

聽人講荃灣有間火鍋冰室好抵食～ 今日就同朋友嚟試吓！見佢好似普通冰室咁平平無奇，本來冇乜期望，估唔到食物種類同質素都有驚喜！首先已經有19款湯底任揀，惹味烤魚、雞煲、甚至健康養生嘅五指毛桃雞、清補涼都有！ 😳坊間少見、好特別！呢排凍冰冰就梗係揀胡椒豬肚雞暖吓身啦！唔使QR code、唔使落單、所有火鍋料、飲品同甜品可以係自助食材雪櫃拎，醬料款式基本充足， 仲有多款前菜選擇！前菜方面，推介酸辣雲耳、青瓜🥒同炒豆角，最驚喜係咖哩魚蛋😙一咬竟然爆漿咖哩汁！彈牙好味！四十多款火鍋料任選！ 頂級牛板鍵同黑毛豬一試愛上！ 炸魚皮脆卜卜夠鬆化！ 丸類選擇多！有我最鍾意嘅芝士丸同蟹籽丸！😁 蔬菜🥬夠fresh~ 特別推介鮮甜白粟米🌽！ 鮮蝦同沙白係必食！沙白大隻新鮮又冇沙！飲品方面有罐裝汽水啤酒和紙包飲品，我就推介佢哋嘅自家製白桃烏龍、竹蔗茅根同埋鴨屎香檸檬茶！ 😆 我哋飲左4杯竹蔗茅根呀！食到捧住個肚都要食埋甜品😂有維記雪糕、布甸、豆腐花等，我揀咗豆腐花加紅糖漿～ 埋單連加一只係四百幾，真係好味抵食呀！七點前離座同九點後入座仲平多$20添！…查看更多

好想打邊爐，近近哋去咗荃灣大滿足火鍋冰室，$198人頭任飲任食，呢個價錢真係抵到冇朋友😝是晚湯底揀咗麻辣雞煲，雞煲要咗小麻小辣，煮滾一陣打開即刻聞到香噴噴，嗰陣麻辣味非常強烈睇見就流口水🤤雞件嫩滑啖啖肉，煲內仲有唔少三色椒、洋蔥、南薑、蒜頭等，十分足料。食完雞煲梗係加湯打邊爐啦，自助區應有盡有🤤牛肉有三款牛板腱、肥牛同手切牛，豬肉都有兩款黑毛豬肉片同埋豬腩片，另外仲有唔少海鮮，蜆、蠔、蝦、蟶子、九肚魚、魷魚等等。蔬菜亦是十分多款，唐生菜、西洋菜、娃娃菜等，仲有至愛嘅芫茜添🤤其他有粟米、南瓜、蓮藕片、豆腐、鴨血、蟹柳、各款丸子、腸仔等，多度數都數唔曬。如果覺得打邊爐都仲未夠，旁邊仲有一個熟食區，有新鮮炸起嘅韭菜雲吞、九肚魚、咖哩魚蛋、四季豆炒肉鬆等，仲有幾款涼拌菜同新鮮切嘅水果😋除咗多嘢食外仲有勁多款飲品，除左一般紙包無糖茶、罐裝汽水外，仲有餐廳自家製嘅冷泡茶、紅豆涼粉冰、雜果冰、檸檬茶、竹蔗茅根水等，當然唔少得啤酒添啦，罐裝啤酒都有好幾個牌子，哈哈，真係好強！甜品就有雪糕同芒果布甸，強烈推薦朱古力同焦糖咖啡口味雪糕，勁好食😋食到飽到上心口都係二百幾蚊，超抵食！！…查看更多

身為荃灣友，最開心就係發掘到啲「禾稈冚珍珠」嘅地道美食‘’火鍋‘’啦😁🍖🌟招牌豬骨鍋大大舊嘅豬骨骨膠原爆燈🤤飲一啖湯哇！好濃郁啊😍配料方面，🥩🐄 本地手切肥牛淥兩淥就食得，豚肉片🐖啖啖肉惹味，雞件🐤超嫩滑💯海鮮非常新鮮，🦐海蝦勁大隻好味！🦪蠔完全冇渣🦑 魷魚鬚好彈牙好好味呀😋仲有牛柏葉 🐚仲有螺同埋蜆添 🫰海鮮類超多選擇呀 😁🍡自家手打丸類拼盤都係誠意之作，彈牙足料😋最欣賞🥟呢度嘅自家製餃子🥟呀👍大大隻裏面啲配料勁豐富我食到停唔到口呀💯炸魚皮呢啲索哂d豬骨湯裏面輕輕一淥極品享受😁最後一定要公仔麵🍜收尾！啜住食可以將精華湯底一滴不漏咁吸收消完美👍飲品方面就正喇👍除咗紙包汽水檸檬茶飲品之外又有啤酒😁最重要嘅就係佢哋自家製嘅飲品，勁多選擇👍我飲咗綠豆爽同自家製茶，又有竹蔗茅根💯自家製嘅飲品呀真係一流👍👍🍦🍧🍨甜品仲有好多雪糕添呀真係食極都食唔曬㗎🥰仲有好多熟食㗎😍 但係食咗火鍋樣樣嘢都咁新鮮，已經飽到食唔到熟食囉😅我下次一定要encore💯大滿足火鍋冰室 地址: 荃灣大陂坊9-31號泰華大廈地下6-7號舖…查看更多

【🔥荃灣隱世放題王者！$200有找任食烤魚雞煲＋海鮮＋啤酒＋手切牛｜網友激評：全港最好味烤魚！】各位食肉獸＋海鮮控注意！今次喺荃灣挖到一間驚為天人既放題神店——《大滿足火鍋冰室》！人均$200唔使，居然可以任食烤魚、雞煲、海鮮、手切牛，連啤酒同水果茶都任飲，仲有6款雪糕收尾，簡直抵到癲啊！😱🌟震撼亮點： ✅無限任點香辣烤魚（網友大推：魚肉超厚超入味！） ✅19款火鍋湯底自由配（選擇困難症發作中） ✅海鮮區有齊大蝦、聖子、蠔、沙蜆、九吐魚 ✅肉食族必搶手切牛、牛五花、豬梅花 ✅啤酒＋水果茶＋仙草奶茶任飲（唔使額外加錢！） ✅6款口味雪糕完美收官實測大推「香辣味烤魚」！一上桌就聞到霸氣香辣味，魚肉厚到嚇死人，啖啖肉零骨刺，吸盡湯底精華，麻辣鮮香直擊靈魂！重點係——可以無限追加！同行朋友秒嗌第二round！🐟火鍋配料區更係瘋狂：新鮮海鮮擺到滿滿，大蝦爽甜、聖子肥美、蠔仔爆汁！肉控必搶手切牛肉，油花靚到犯規，淥10秒入口即化～仲有各款丸類、蔬菜，保證捧住個肚走！飲品區絕對係驚喜位！除咗汽水啤酒，居然有店家自調水果茶同仙草奶茶，解膩一流～最後記得留肚食埋Movenpick級數嘅雪糕，完美收官！總結：人均$200有找呢個質素，真心無得輸！建議提前3日訂位，周末真係全場爆滿㗎～衝鴨！🏃‍♂️💨…查看更多

呢間餐廳環境企理，晚市係做任食燒魚打邊爐有成19種爐底或者湯底俾大家選擇，我地叫左烤魚條魚好大條嫩滑，豬骨湯底煲打邊爐食物全部都係自助出外面拎既，有少量熟食炸餃子，蝦，木耳青瓜等等，魚皮響鈴都係出面拎既，魚皮勁大塊同脆卜卜必食推介，打邊爐食物仲有蠔肉任食，瀨尿蝦，蜆，蝦，魚等海鮮，肉類有手切牛肉，肥牛，豚肉，美國牛頸脊等等，牛頸脊都幾抵食肉質比較瘦同健康無甘多肥既部分另有幾款蔬菜，丸類，腸仔，芋頭等食物自取，飲品有茶，仙草紅豆冰，竹蔗矛根等等。…查看更多

同個friend係荃灣呢頭行街，發現咗一間性價比非常高嘅任食火鍋冰室，晚市時段只需要二百蚊左右，就可以享用兩小時任飲任食，配料仲有海鮮任食，啲蝦、蟶子都好新鮮！鍋底選擇多達19款，包括有烤魚、雞煲、水煮魚、酸菜魚、養生湯底等等，最後我哋點咗五指毛桃雞湯底，滋補又美味，味道幾清甜，入面仲有半隻雞份量，雞肉非常嫩滑！所有火鍋配料都是自取，選擇種類繁多，包括海鮮類、菜類、肉類、丸類等等！海鮮類非常新鮮，有蜆、蝦、蟶子、青口等等！肉類都有幾款選擇，肉類色澤均勻，包括肥牛、牛板腱、黑毛豬、手切牛肉，煮過後，口感鮮嫩！仲有任食甜品、雪糕，都有很多口味選擇！個人喜愛芝麻味、咖啡味、紅豆味雪糕，味道非常濃郁！飲品方面，除咗罐裝汽水、啤酒之外，還有自家製的飲品，檸檬茶、熱情果茶、竹蔗茅根等等，正！…查看更多

天氣轉涼，好想打邊爐，約咗朋友去荃灣嘅大滿足火鍋冰室，因為佢有19種湯底可以揀，總有一款啱。兩個人可以揀一款湯底，4個人可以揀2款湯底，今次試咗胡椒豬肚雞湯。平時好少食跟鍋嘅餸，但湯底啲雞睇得出幾靚，食落好嫩滑，我同朋友都清哂啲雞同豬肚。然後自助區有唔少選擇，有肥牛、豬肉、海鮮、蔬菜，另外仲有小食、甜品、飲品任食。每位$208加一，今時今日咁嘅價錢覺得都好合理，下次要試酸菜味烤魚或者麻辣雞煲先。大滿足火鍋冰室荃灣大陂坊9-31號泰華大廈地下6-7號舖…查看更多

港式自助火鍋狂喜，19款湯底吃到過癮這家港式自助火鍋簡直是嗜鍋星人的福音！19款湯底選擇直接驚掉下巴，無論是追求清潤的椰子雞湯、皮旦芫茜，還是愛重口的麻辣鍋、番茄烤魚鍋，都能精准命中喜好。食材新鮮度拉滿，海鮮區龍蝦丸彈牙爆汁、鮮蝦晶瑩剔透，肉類櫃檯肥牛肥羊紋理均勻，涮煮後裹滿醬料超入味。蔬菜區種類豐富，脆嫩時蔬搭配菌菇菌類，清爽解膩。飲品櫃汽水、果汁、港式凍檸茶應有盡有，冰爽解辣。收尾必須炫幾球雪糕，香草、芒果味綿密絲滑，中和火鍋的熱氣。自助任食暢吃無限續，港式風味正宗，性價比超高，約上朋友狂炫一頓太滿足！…查看更多

烤魚雞煲打邊爐食得多～呢度竟然有成19款湯底可以揀仲有水煮魚酸菜魚椰子雞豬肚雞五指毛挑雞等任君選擇！兩小時無限任食，小炒、配料、甜品、飲品，勁多自家製，估佢唔到。🍅 番茄味烤魚外皮微微脆身，內裏啖啖肉，蕃茄湯底酸甜可口，裡面有大量番茄、椰菜花、蓮藕等配菜，賣相一流，味道豐富，值得一試。🥟 韭菜餛飩餡料飽滿，肉質豐富，外皮厚咗少少，但整體嚟講都幾出色。🫛 四季豆放咗喺出面自助區，雖然冇保溫，已經涼咗，但係味道相當驚人，口感清脆，無渣，微微鹹，有大排檔Feel，搭配肉碎，配飯一流。🐟 魚皮難得勁脆！有大塊有細塊，無論係勁直或者索湯都好正，食到停唔到口喔！…查看更多

今晚同位靚女朋友去大帽山遊咗轉車河，涼涼哋想去打邊爐，就去咗荃灣大坡坊Lee間烤魚雞煲海鮮火鍋，今次係第二次嚟，見到坐滿人就知Lee度好嘢啦，性價比高！有19款湯底雞煲、烤魚、芫茜皮蛋......今晚想清清地就叫咗個皮蛋芫茜湯底。海鮮款式算多，蠔仔、墨魚、瀨尿蝦、花甲同海蝦逐隻靚，手切牛肉放湯涮十幾秒就食得，好食到冇得彈。飲品區仲有啤酒汽水無糖茶，自製烏龍茶同竹蔗茅根水，解辣又解膩。人均$229食到飽走，服務員加湯換碟好快手，下次一定帶埋屋企人再嚟！…查看更多

📍大滿足火鍋冰室 (荃灣)荃灣大陂坊9-31號泰華大廈地下6-7號舖朋友強烈推介的火鍋店，今日真是一試難忘。光線充足，座位一般都有椅背。這裡的火鍋鍋底選擇多達19款，應有盡有，特別是有六款烤魚和六款雞煲可供選擇。自製醬料專區自助吧食材補充速度快，無需客人等待，而且選擇讓人很有驚喜。✨藤椒味烤魚鍋中辣湯底十分適合喜愛辛辣刺激的我，魚肉鮮嫩入味，鍋內有大量配菜，特別喜歡蓮藕，吸滿湯汁後，口感鬆軟綿密。✨花甲 鮮甜肥美✨生蠔 飽滿而且帶點銅味✨頂級牛板鍵肉質鮮嫩，油花分布均勻價格極其親民。兩小時任飲任食絕對物超所值。很推薦大家來嘗試一下！———————————————————整體用餐體驗✨味道(5/5)✨環境(4/5)✨服務(3/5)✨性價比(5/5)…查看更多

荃灣呢間餐廳，朝早係茶餐廳，見到餐牌一大版，咩都有得食，晚市化身做雞煲烤魚打邊爐🥘門口見到有19款火鍋湯底咁多，邪惡啲嘅可以食左烤魚、雞煲先再邊爐，養生啲嘅可以藥膳、五指毛桃等湯底，食左雞先再打邊爐，酸菜魚都有得食，超多種類！打邊爐係自己出去夾食物、門口位置有啲涼拌菜、咖喱魚蛋、魚皮等🥗入面雪櫃就係戲玉啦。三個大雪櫃，火鍋配料任夾，除左常見嘅丸、牛伯葉、鵝腸，海鮮、牛肉都有幾款選擇。我果晚有6款海鮮(魷魚、聖子、九肚魚、蝦、生蠔、蜆)🦑豬牛都有5-6款🥩最後食埋雪糕芒果布丁，咁多嘢食先係$188一位咋，繁忙時段7-9點就$208一位🍽️大滿足火鍋冰室📍荃灣大陂坊9-31號泰華大廈地下6-7號舖…查看更多

「大滿足」是我比較喜愛的一間任食火鍋，因為性價比高，湯底及食材款式多樣，而且飲品及雪糕都有特色，果然令人大大滿足！首先要提的是湯底，款式多樣，由麻辣、豬骨到椰子雞，任君選擇！我選的是五指毛桃雞，去濕而強肺脾，補而不躁！除了湯底，餐廳提供食材選擇豐富，包括手切牛肉、青蟹、大蝦、各類蔬菜和肉丸等，梅頭牛片等肉味濃郁，海鮮鮮美為雞煲增添鮮味，肉丸和蔬菜十分新鮮，令人欲罷不能。而餐廳提供了任吃的雪糕，味道多樣，我最愛咖啡及曲奇妙趣，當雪糕遇上熱騰騰湯底，口感一流。而這裏亦有冷泡茶和火龍果汁等，頗有特色！總的來說，在「大滿足」享受任飲任食兩小時，絕對物超所值。大滿足火鍋冰室 (荃灣)地址：荃灣大陂坊9-31號泰華大廈地下6-7號舖…查看更多

如果鍾意火鍋又貪心想食多啲嘢，呢間冰室絕對係你嘅不二之選。呢間店唔止有齊晒火鍋食材，仲貼心地提供熟食同前菜，等你未開鍋都可以先醫肚，真係夠貼心！選擇多到眼花撩亂店內有多達19款烤魚同雞煲選擇，款款都好吸引，令人選擇困難症即刻發作。海鮮方面亦非常豐富，無論你鍾意蝦蟹貝類定係魚類，都一定搵到啱心水。🐟 蕃茄味烤魚 我哋試咗佢哋嘅蕃茄味烤魚，真係驚喜連連。條魚肉質超滑，外皮香脆，幾乎冇骨，食落口感一流。配上酸甜嘅蕃茄醬汁，味道層次豐富，令人一啖接一啖，停唔到口。食完條魚已經飽咗一半，真係名副其實嘅「大滿足」！🍹🍨 飲品甜品同樣精彩除咗主食，店內仲有多款特色飲品同甜品，包括雪糕，為你嘅火鍋之旅畫上完美句號。總結：唔單止食物選擇多，味道亦有水準，無論你係火鍋控定係海鮮迷，都一定會食得開心又滿足。難怪全場滿座，記得book定位啦。…查看更多

火鍋放題每位$200，性價比極高！湯底選用胡椒豬肚湯，濃郁香辣，暖胃開胃，令人回味。食材新鮮豐富，蝦和蜆肥美鮮甜，入口彈牙；肥牛片薄嫩，涮煮後入口即化；響鈴炸得香脆，增添口感樂趣。各式蔬菜新鮮清甜，餃子皮薄餡足，選擇多樣。飲品方面，啤酒和汽水任飲，冰涼暢快，完美搭配熱辣火鍋。餐廳環境整潔，服務員態度親切，補充食材迅速，讓人吃得盡興。整體而言，$200能享受到如此豐富的食材和無限飲品，實屬超值，適合與親朋好友聚會共享，絕對值得一試！…查看更多