HIKARI

👦🏻👧🏻去左荃灣塭食，經過呢間裝潢好舒適嘅日系Cafe，又見到主打靚啡，忍唔住就入黎試下。點知一試就愛上左呢到嘅咖啡，而食物都非常好味！以後黎開荃灣都可以黎飲下啡，食下野！仲要室內有兩層，走上一層就完全咁遠離煩擾，真係好嘆！北海道松葉蟹忌廉馬鈴薯團子粉 $138馬鈴薯團子粉真係唔多地方有得食，而整得好食就更加難得！呢樣意大利經典食物，一定要煙煙韌韌同彈牙，呢到就做得到！口感絕對滿分！北海道松葉蟹忌廉汁好鮮味同creamy，當你慢慢咀嚼團子時，松葉蟹嘅鮮味就會慢慢咁係口腔滲透出嚟！另外仲有5隻北海道松葉蟹鉗，肉質都好爽彈同鮮甜。煎封法國油鴨髀牛肝菌意大利飯 $128一上枱就俾大大隻嘅油鴨髀吸引住，而油鴨髀用左低溫慢煮嘅做法，令到鴨髀非常鮮嫩多汁，而個皮仲要好脆，仲要充滿油香！香味四溢嘅牛肝菌同意大利飯非常夾，加上煎香嘅菇，令人一啖又一啖咁好快清晒個意大利飯！仲有，凡惠顧以上食物，飲品可享$15折扣，非常之抵。鹹蛋黃薯條 $78鹹蛋黃味非常突出，薯條充滿鹹蛋黃醬，又脆又鹹香，非常好食，配有酒飲品一定仲正！可惜揸車，下次必定會再試酒類飲品同薯條！凍丸久小山圓抹茶鮮奶 $50抹茶味濃郁，仲飲到