古今二 (荃新天地)

營業中

休息中

夜晚黎荃灣呢間日式壽司店，坐左出面落地玻璃位，未日落望到出面，感覺好寬敞。點左柚想蝦你沙律，好特別，未食過呢個配搭而且好清新，甜蝦新鮮，蘋果好爽口而柚子一啲都唔酸，甜蝦彈牙，搭配熟度恰好的牛油果片，清甜唔膩，誠意創意十足。 清酒煮蜆用既係花甲，尺寸飽滿，而且無沙，應該大約有20隻，個湯係中湯但又飲到少少酒味，唔似係味精湯，忍不住飲多幾啖。 蜘蛛原來係炸軟殼蟹卷，上菜時仲有熱氣，食得出係岩岩炸起，但啲壽司飯仲係熱，蟹肉鮮香既味完整保留，但一定要趁熱食先食到最佳風味。 火山造型吸睛，侍應會加個火係側邊，影相好靚，蟹柳絲堆疊好似熔岩，底層帶子鮮甜，辣度點到即止。 辣妹卷將辣味吞拿魚鋪滿表面，內藏熱脆炸蝦，微融芝士低調融入醋飯中，三者搭配意外地唔覺得厚重。