影片
更多
2024-01-22
903 瀏覽
鮨一日本料理 G One Sushi Japanese Restaurant📍荃灣大壩街79號地舖同好take care我嘅一位朋友食飯，揀咗荃灣一間好受歡迎嘅日本餐廳食晚餐。邊食新鮮嘅食材，邊傾偈談心，真係人生一大樂事！ 💰$78蟹肉牛油果凱撒沙律 🥗粟米、蕃茄仔、沙律菜全部都好fresh，每樣咬落都充滿水分，非常清新鮮甜。蟹肉、蟹籽、牛油果三者完美配合，令沙律食落多咗海鮮嘅鮮味，入口可以食到牛油果嘅軟滑同蟹籽嘅爽脆，口感上變得更有層次，配上特別嘅dressing，異常醒胃，整體比一般caesar salad更豐富。 💰$198日本黑鮪魚中拖羅刺身 🍣識我嘅都知我真係幾抗拒食吞拿魚刺身，真係得好少嘅次數係俾我食到好味兼我接受到嘅吞拿魚刺身。朋友話鮨一嘅刺身出名新鮮，所以呢晚叫咗廚師推介嘅日本黑鮪魚中拖羅刺身，希望可以令我對吞拿魚刺身有所改觀。 💰$98針魚刺身 🐟第一次食針魚，見到晒全條魚嘅樣貌。顧名思義，呢款魚嘅下顎有一枝針，針嘅尖端有少少紅色，魚身偏幼長，帶閃嘅銀色極為搶眼。佢嘅魚肉白得嚟有少少透光，喺燈光下細心睇，仲會見到佢呈銀色嘅筋，真係好靚。雖然佢嘅肉味偏淡，但勝在肉質鮮甜
📍荃灣大壩街79號地舖
同好take care我嘅一位朋友食飯，揀咗荃灣一間好受歡迎嘅日本餐廳食晚餐。邊食新鮮嘅食材，邊傾偈談心，真係人生一大樂事！
[價錢 Price]
💰$78
蟹肉牛油果凱撒沙律 🥗
粟米、蕃茄仔、沙律菜全部都好fresh，每樣咬落都充滿水分，非常清新鮮甜。蟹肉、蟹籽、牛油果三者完美配合，令沙律食落多咗海鮮嘅鮮味，入口可以食到牛油果嘅軟滑同蟹籽嘅爽脆，口感上變得更有層次，配上特別嘅dressing，異常醒胃，整體比一般caesar salad更豐富。
[價錢 Price]
💰$198
日本黑鮪魚中拖羅刺身 🍣
識我嘅都知我真係幾抗拒食吞拿魚刺身，真係得好少嘅次數係俾我食到好味兼我接受到嘅吞拿魚刺身。朋友話鮨一嘅刺身出名新鮮，所以呢晚叫咗廚師推介嘅日本黑鮪魚中拖羅刺身，希望可以令我對吞拿魚刺身有所改觀。
[價錢 Price]
💰$98
針魚刺身 🐟
第一次食針魚，見到晒全條魚嘅樣貌。顧名思義，呢款魚嘅下顎有一枝針，針嘅尖端有少少紅色，魚身偏幼長，帶閃嘅銀色極為搶眼。佢嘅魚肉白得嚟有少少透光，喺燈光下細心睇，仲會見到佢呈銀色嘅筋，真係好靚。雖然佢嘅肉味偏淡，但勝在肉質鮮甜彈牙，係少有我喜歡嘅魚類刺身。
[價錢 Price]
💰$45
鹽燒牛舌串 🐄
朋友叫咗串鹽燒牛舌，佢話牛舌燒得外脆內嫩，而且富有鹽香，簡單調味已能帶出牛舌自身嘅鮮味同牛香。
[價錢 Price]
💰$68
鹽燒活白鱔串 🍢
我就揀咗串鹽燒活白鱔，白鱔有充分油脂，外皮亦燒得香脆軟糯，魚肉鮮美豐厚，但白鱔始終帶幼刺，食用時要加倍小心。
[價錢 Price]
💰$62
清酒煮蜆 🐚
呢個價錢食到呢個份量同水準嘅清酒煮蜆，認真值回票價！每隻蜆都非常飽滿，食落口中不帶一點腥味或一粒細沙，可見廚師嘅用心。我留意到佢嘅清酒加入咗七味粉，所以啲蜆食落會略帶微辛，放埋一齊煮嘅大根煮得好入味淋身，每件都吸盡清酒湯汁嘅精華，讚！
[價錢 Price]
💰$128
鱈魚白子 🧠
我會用呢個emoji，因為我真係覺得白子女似腦！其實佢係鱈魚精巢嚟，含豐富蛋白質，富營養價值！但由於我比較怕呢種半軟半滑嘅口感，而且知道佢嘅真身令我有點卻步，所以最後我都無鼓起勇氣，試下佢係咩味，真失敗⋯⋯
[價錢 Price]
💰$98
甲羅燒 🦀
最後一道上嘅菜式係甲羅燒，相信淨係個樣都已經吸引到唔少人想一試佢嘅滋味。蟹蓋內放滿蟹膏醬，配上新鮮日本蛋黃，灑上蔥花，輕輕攪拌後，將蟹膏醬放上烤過嘅薄麵包上面食，滿口都係蟹膏嘅香醇，絕對係齒頰留香！
張貼
