番茄18 (觀塘工業中心第四期)

營業中

休息中

好少推介茶餐廳，因為對我來講間間茶餐廳都差唔多，冇乜特別好食，不過今日喺觀塘做完Facial，有啲肚餓想食少少嘢，就同朋友去番茄18☺️☺️見到佢嘅蕃茄米線好多人食，不過我就食小食為主🥳🥳🤩菠蘿包平時食菠蘿包就食得多，今次嘅菠蘿包嗰塊菠蘿皮夠晒厚。個包又夠鬆軟，真係唔錯㗎。🤩瑞士雞翼總共有5隻，份量不少之餘，味道又好。個瑞士汁整得好入味，亦都唔會太鹹，作為小食，真係好好食。🤩麻辣雙色餃子餃子整得好出色，麻辣味道亦都控制得適宜，不會太辣。同埋叫做相識餃子，有一隻係白色一隻黃色。黃色嗰隻有少少咖喱嘅味道。好有特色。🤩蔥花鹹牛肉蛋治蔥花鹹牛肉大大份，好滿足。炒蛋又大嚿，大到好似塞滿左成個麵包咁。喜歡佢嘅蔥花切得夠幼細，又夠多，香味十足。🤩大汗雞扒叫得大汗雞扒，就知佢咩料。佢嘅意思即係辣味十足嘅雞扒。但係佢辣味，控制得適宜。只會帶出香辣味。值得推介。🤩四川炸醬手撕雞炒上海麵炒粉麵亦都好有鑊氣，呢個配搭真係第一次食又有四川炸醬，又有手撕雞，配埋上海麵。配搭新奇，又好吃。🤩檸檬可樂趁天氣仲有少少熱，叫返個檸檬可樂大大杯，就啱晒。🤩鴛鴦來到茶餐廳冇理由唔叫番杯港式嘅鴛鴦。整得都好地道。