番茄18 (觀塘工業中心第四期)

營業中

休息中

小編今日來到觀塘一間茶餐廳「蕃茄18」，餐廳位於觀塘工廠大廈內，以「番茄稱王，瑞士稱霸」，主打招牌蕃茄湯🍅、瑞士雞翼、紅豆冰🫘西多士、菠蘿包、腿蛋治等等香港地道食，餐廳裝修採用香港懷舊時的綠色、白色和紅招牌，突顯出懷舊冰室的飲食風貌，令食客回憶香港飲食文化🧡招牌「瑞士雞翼撈公仔麵配牛乳炒蛋及丹麥多士」雞翼外皮色澤均勻，雞翼夠上色表面富有光澤，瑞士汁香味撲鼻，雞翼肉嫩多汁又入味，帶鹹又帶甜味，帶豉油、薑蔥和冰糖味道，令雞翼味道更鮮香，瑞士汁必配出前一丁公仔麵，半熟公仔麵掛汁又彈牙，加蔥油更香，必食邪惡之選😈 搭配經典常餐組合的牛乳炒蛋和多士🍞🍳 成為必食的港式美食🙌🏻🍽 ：瑞士雞翼撈公仔麵配牛乳炒蛋及丹麥多士👅好味指數：8.25/10💰消費：HK$59📍 地址：番茄18 (觀塘工業中心) (觀塘)觀塘觀塘道427號觀塘工業中心4期1樓G號舖🈹推介優惠：N/A

呢間蕃茄18只會營業星一至六星期六我耐唔耐就黎食早餐去到11:30 價錢就抵食D佢嘅蕃茄湯底真心好出色平時我會叫滷水雞翼 麻辣雞扒配米線一樣好味佢地其他餐都好味只係價錢都有點貴不過就好大份好抵食

做外賣仔行過 。。 裝修都幾特別 。順便休息吓下午茶選擇鮮濃茄燴牛肉飯 仲可以加 飯 ， 賣相唔差  ，有 7-8 片 牛肉  ， 牛肉又大嚿  ， 份量又多 ， 蕃茄汁夠多 ，埋飲品$42係呢個時代真係抵食       

尋日lunch想去觀塘地鐵站附近食，但又唔想apm 咁悶，所以就搵左呢間出名食番茄湯嘅茶餐廳食我揀左特色蕃茄濃湯通粉、牛乳炒蛋，配瑞士雞翼，配凍檸茶。個番茄湯超正，好濃好夠蕃茄，又無話覺得太甜或者太鹹；個炒蛋唔錯但我覺得可以分開上，因為我prefer 分開食。我見咁多人話瑞士雞翼好食我又走去叫，估唔到真係正，好夠味又唔覺鹹，仲俾左好多汁總括黎講好好味，但如果再平d 就會好d個餐58蚊，加個凍檸茶 11蚊～

在觀塘返工已經幾年了，同事帶路才知道原來有這家餐廳在觀塘工廈內12:45pm到達，餐廳門口已經有不少食客在等位，幸好我們只有二人，很快便入座了我叫了招牌午餐 - 肥牛 牛乳炒蛋 蕃茄湯 公仔麵牛乳炒蛋很滑(不喜歡炒蛋亦可以改煎蛋/太陽蛋)，肥牛數量挺多的，蕃茄湯底很有水準，公仔麵拼蕃茄湯底更是非常夾👍🏼最令我surprise的是，餐飲竟然可以選擇 椰汁冰！！！！味道更是完全拍得住泰國餐廳的椰汁冰總括而言，這間餐廳的食物質素不錯，但略嫌餐廳空間太少，座位與座位之間較迫，但相信這家餐廳會成為我之後lunch的其中一間飯堂🤭

黎親 呢度食飯，都要早15分鐘出發每日午市門口，都排晒長龍入面地方，雖然唔係好多台 但係勝在出餐超快最鍾意食麻辣蕃茄通粉仲可以叫姐姐多麻辣？瑞士雞翼，超入味另外蔥油豬扒飯都非常不錯😎嘢食好味，出餐快

有人中午同同事出去食飯，去咗就近的工廈食。喺附近有蕃茄18 ，上也不想就去了。我嗌了個雙拼茄湯粉，係墨魚丸拼滑蛋。蕃茄湯好味，滑蛋和墨魚丸都有水準，享用了一頓開心的午餐。

之前返工已經成日同同事去食蕃茄18🍅快靚正 仲要勁重蕃茄味真係啱曬我呢啲鍾意食蕃茄嘅人😍我地最鍾意嘅都係特色蕃茄濃湯🍅🍅門口係工業大廈入面 好多人去食特色蕃茄濃湯通粉配牛乳炒蛋評分：👍🏻👍🏻👍🏻👍🏻👍🏻揀左麻辣蕃茄湯底，真係好正勁香濃蕃茄湯，配搭埋瑞士雞翼同牛乳炒蛋真係好match🥹 瑞士雞翼醃得好入味，炒蛋係好滑😋炸醬手撕雞炒上海麵評分：👍🏻👍🏻👍🏻呢個就比較唔啱我地口味😆但整體嚟講都係ok ge,手撕雞都撕得好幼細，鍾意食四川嘢嘅人就會覺得好好炸雞翼評分：👍🏻👍🏻👍🏻👍🏻👍🏻即嗌即炸嘅食物永遠都要加分，真係好香好脆卜卜，咬落去係好多雞汁好好食🤤新鮮菠蘿冰評分：👍🏻👍🏻👍🏻👍🏻👍🏻夏天飲真係好涼爽，啲菠蘿真係好新鮮好大粒.華田脆脆評分：👍🏻👍🏻👍🏻👍🏻👍🏻鍾意飲甜嘢嘅一定要嗌呢杯，因為唔係普通嘅華田咁簡單，係有埋啲脆脆係面頭，每啖都好有口感

呢間番茄18係位於觀塘附近工業區一間自稱蕃茄稱王瑞士稱霸既餐廳。講到咁，點會唔試下佢個瑞士汁雞翼撈公仔麵套餐 嗰個套餐仲包括牛油丹麥方包加炒蛋先至($57)加埋凍檸茶嘅話 +$3 對於觀塘黎話都叫做中下價錢而且食得飽肚又好食既窮人恩物呢個瑞士汁雞翼撈公仔麵💓💓💓💓💓佢啲瑞士汁雞翼入味到唔使點咬啲肉同骨都分離，超正！而最驚喜係估唔到個牛油丹麥方包好好食，勁鬆軟。嗰日幫襯喺中午時段都比較多人，佢仲keep到呢個質素真係算好唔錯👍🏻👍🏻性價比極高。杯凍檸茶都好飲，好似茶記嘅味道茶濃檸檬夠酸，佢啲糖水又唔會落得太多配合得啱啱好，唔會太甜。五個心心為最高分番茄18 (觀塘工業中心) (觀塘)地址 : 觀塘觀塘道427號觀塘工業中心4期1樓G號舖

啱啱病咗成個星期🤒食粥食到無哂味覺個人又虛🤧稍為有返少少胃口好想出去食啲濕濕地嘅嘢同老豆近近地落觀塘食碗米線🍜我地都成兩點先到但係都坐到滿哂個Menu好多野食不過大病初癒嚟講我叫咗個藥膳雞脾米粉補一補🤤湯底超濃食完個人暖粒粒精神返哂🔥✨補返成個星期失去咗嘅精氣神💪🏽老豆都話補補佢叫咗個花膠雞米線見佢舊花膠幾厚肉湯底又濃厚🤤🤤連埋嘢飲都係70幾蚊真係幾抵食間舖頭名叫番茄18應該番茄系先係招牌下次一定要試埋今次就開返個胃先同埋佢嘅侍應姐姐超好笑容令客人身心舒暢呢樣真係好緊要🙂🙃

今次去咗間勁有本土feel嘅小店，搞到我嘅心情都好似呢碗濃郁嘅番茄湯咁暖笠笠。起頭，一啖炒蛋三文治落肚，立刻覺得好滿足！啲蛋黃軟熟得啱啱好，咬落去又滑又香，真系夠曬晒口😋。跟住，就係個麻辣湯米線配埋炒蛋，呢個真係夠晒驚喜！湯頭麻麻地、微辣，有D刺激，但混埋番茄嘅甜味，仲識得平衡返嚟，真係諗起都流口水🤤！啲米線又夠彈牙，完全係我嘅菜！至於啲撈面，呢個要特別讚下，啲豬扒香嫩多汁，好夾喎！過嚟拉尾聲，我又試咗點花生醬多士。啲多士烤得金黃酥脆，塗上厚厚一層花生醬，入口即溶，幾邪惡，但食完又覺得抵死😄！成體驗落嚟，不但啲食物真心吸引，连間店都溫馨得嚟，服務又親切。話晒，一家店嘅最正宗評價，唔係靠華麗嘅形容詞，而係你食完之後嘅滿足感與回味無窮啦！下次我一定會再嚟轉場，搵搵其他嘅體驗，可能又有新發現咁。

番茄18🍅位於觀塘工業中心，位置方便，餐廳裝潢設計以港式冰室為主題，有唔少霓虹燈牌，路牌等裝飾。餐廳入面網絡收得唔係幾好，不過餐廳有提供Wi-Fi用QR code落單😆 📌 番茄湯米線+鮮牛肉配牛乳炒蛋 $45番茄湯十分濃郁，酸甜味道好balance，因為湯底濃稠，所以米線好掛湯，好非常開胃😋 牛乳炒蛋好滑，蛋香濃厚🍳鮮牛肉十分嫰滑👍🏻📌 麻辣番茄湯米線+瑞士雞翼配牛乳炒蛋 $57麻辣番茄湯其實就係原本嘅番茄湯底再加辣椒油😆 因為個人鍾意食辣，覺得加咗辣椒油令個湯底變得惹味咗🌶️ 呢到嘅瑞士雞翼果然名不虛存，有4隻咁多😍 瑞士汁煮到雞翼好入味，但又唔會過咸，雞翼肉質都無因為煮得太耐而過腍，所有野都恰到好處🤩📌 番茄湯米線+香煎雞扒配牛乳炒蛋 $57雞扒厚身，外皮煎得香脆，不過相較瑞士雞翼就一般左D😆除咗最出名嘅番茄米線之外，餐廳仲有好多其他唔同款式嘅食物可以選擇，例如水煮牛肉， 藥線雞湯米線都會想再黎食🤤🌟推介指數：😈😈😈😈😈（5😈為滿分）

在觀塘工業中心尋找午餐地點，沿港鐵站旁邊的樓梯上一層，已經到達番茄18，於是內進用膳。餐廳提供WiFi，方便以二維碼落單。顧名思義，餐廳主打番茄，但如果不吃又有甚麼選擇呢？這是午餐H餐潮州蠔仔肉碎泡飯。餐廳提供多個個人化選項，可以走肉碎、蠔肉、墨魚頭，也可要求把蠔仔煮熟一點。若果不喜歡泡飯，可以改為米線/上海麵/米粉/公仔麵/通粉/飯另上。份量十足，粥底夠多，確保飽肚，蠔仔量多之外也很圓潤，十分鮮甜。配料講究，加入薑、葱等調味，而也竟然有一點驅寒之效。墨魚可謂畫龍點睛之作，也提升嚼勁。餐飲是華田脆脆，濃郁的阿華田飲品上有同味脆片，甜度恰到好處，是阿華田愛好者不可錯過的啊。小食是瑞士雞翼，是餐廳的招牌推介。共有五隻雞中翼，汁的味道調得香而不膩，又很入味，而且雞翼肉質嫩滑，食過翻尋味。

第一次嚟幫襯主打米線既番茄🍅18，地點方便係觀塘地鐵站一出行入工業大廈就係門口，雖然今日下大雨，不過地鐵站一出再駁過去工業大廈唔怕太雨，上一層樓梯就見到店，一入內待應安排好位置，見到牆身既懷舊裝飾，打卡一流，有7、80年代嘅感覺，掃碼落單，方便，太肚餓就即刻睇有咩食，餐牌好多選擇！樣樣都想試，明明個心想嚟食米線，不過見到藥膳湯底又想配飯最後點了一個還選了雞髀上，藥膳湯一到好香，好足料！有藥材！美味！唔太濃配飯啱啱好，唔會好漏，個湯都飲咗一大半！再點了出名既瑞士雞翼，雞翼上枱顏色夠深，好夠味！有甜甜的瑞士汁，雞肉又滑口，一個人都可以食到五隻，出色！真好味！點了一杯冰凍既鹹檸七，大熱天時飲啱晒，再睇餐牌有秘製口水雞下次再嚟要試！

番茄18 📍觀塘觀塘道427號觀塘工業中心4期1樓G號舖觀塘工廈好多美食😆今次來左位於觀塘地鐵🚇一分鐘距離既番茄18嘆返個早餐佢地性價比高～份量幾多😆🤭食到好飽。招牌鮮茄餐肉粒湯麵 $39來番茄18🍅當然要試下招牌菜湯底夠濃香更有原粒蕃茄肉～好好味配牛乳炒蛋、牛油厚多士。經典沙嗲牛肉麵 $35係我最愛沙嗲牛麵🫶🏻沙嗲牛肉份量都幾多✨沙嗲汁夠濃郁配炒蛋、牛油厚多士。麻辣雙色餃子 🥟$34白菜豬肉餃、粟米餃各3隻麻辣醬真係唔錯～帶少少微辣好香。西多士 $31 即叫即炸西多士以花生醬作為夾心再淋上糖漿同大大塊牛油🧈😆🍴超級邪惡😈