番茄18 (觀塘工業中心第四期)

營業中

休息中

黎開觀塘順便搵朋友食飯，佢推介一齊試下觀塘工業中心嘅蕃茄18.中午時分，我地剛到都唔算好多人，唔洗一陣就有位置，卡位都算闊落，座位與座位都隔得好開，坐得幾舒服，環境及裝修都好有風格又簡約，掛左好多招牌，好適合打卡。 朋友叫左花膠雞湯米線諗住補補。湯底同出面有點唔同，用左超多紹菜熬湯，所以比較清甜，仲有濃郁嘅雞湯味，但唔會好油膩，米線充分吸收左個湯底，好好味。米線仲有好多雞件，啖啖肉但唔會好柴，當然仲有幾舊花膠，有淡淡嘅魚味，口感好Q.如果想食清D,呢個米線都唔錯。至於我就試左四川炸醬厚切豬扒。個飯一黎到我就深深被吸引住，顏色十分搶眼，令人忍唔住打卡，佢黎到就聞到陣陣嘅辣椒味，本身以為佢嘅炸醬會好似譚仔嘅炸醬咁，但完住另一回事。佢嘅炸醬其實好似肉燥飯咁鋪滿成個飯，食到粒粒嘅肉粒，但唔會好乾，豬排唔錯好淋，煎得好香口又有口感，個飯旁邊有d 燙熟嘅紹菜同埋雪菜，令到個飯有口感又解油膩。但係成個飯最突出嘅係豬排上面嘅辣椒粉，又香口又麻又辣，超級好味，佢嘅辣仲要唔係死辣，十分柔和。我地2個仲加左個炒滑蛋，超大份，唔會好油，我仲忍唔住加左d 辣粉係上面今餐真係比到個驚喜我，餐廳雖然主打米線，但係我

行到观塘，有橦大大嘅熟食市場，而且大多食店價錢親民，趁住觀塘難得仲係少人嘅時間，一於試下先。🌟 扒餐 ⭐️(3.8/5)  連凍飲可以揀黑椒汁同洋蔥汁，我揀咗黑椒，依到嘅黑汁偏少少甜，但都算係咁，其實原本我以為係扒麵餐，點知係撈麵，早知就叫返飯/意粉/薯菜啦🤣，雞扒唔算好大舊，但都香口 juicy ，第二個餸我揀左漢堡扒，最近好想食🙈😆，跟嚟有幾舊薯仔，以為個公仔麵會好難食，點知佢又無煮得太淋喎😋 差唔多食完嘅時候老闆娘突然走過嚟話送湯，但我婉拒咗，因為都夠飽，唔想浪費，有人情味熟食市場唔期望有咩環境，但都叫乾淨，而且價錢真係唔貴，係附近返工嘅應該唔洗我多講，係可以揀嘅之一。

肉餅飯套餐(配日式咖哩汁) 套餐同上包主餐同蛋肉餅又係一大塊！口感似係新鮮炸起，超級熱辣辣兼脆口味道就有啲似土魷肉餅，有啲蝦醬味日式咖哩汁微辣撈飯都不錯，但配肉餅的話建議揀其他汁會夾啲 脆炸雞軟骨 炸得夠脆，兼有爆多椒鹽粉，好重口(´▽｀)但泰式雞醬有啲多餘雞脾皇檸檬茶 (少甜) 有茶澀味但唔會苦 好飲！

真心推介，在觀塘區能找到這大眾化而合理的價錢，食物質素算是勝價比高，選擇多，每天轉款都可以食好多次都唔重複，比起區內其他餐廳更抵食夾大件，經常同同事一同去食午餐。

觀塘工廈超多餐廳，尼間鋪頭超出名食番茄湯底，一於試下。11點開始已做午市，當日已經有幾枱客人食緊。環境光鮮，懷舊風格，大量卡位坐得好舒服。招牌番茄湯配牛乳炒蛋通粉，配大汗豬扒，番茄湯一定要嗌，超濃超‘傑’，有大量番茄蓉及粒狀。入口甜，後勁酸酸地，好開胃。而且通粉吸乾哂d湯，食到最後，連湯都冇剩。牛乳炒蛋夠滑，唔會炒到散開。豬扒鬆軟，好易切開。香煎美味，面頭灑有辣椒粒粉，辣辣地好過癮。藥膳雞湯米線，超有驚喜。一上枱就聞到好大陣藥材味，湯底變到藥材色。而且，超級大碗，大量米線，仲有娃娃藥、藥材做湯料。雞件有大約8件，每件都多肉連骨，肉質結實，d雞都吸哂藥材味。華田脆脆，阿華田味濃厚，唔會過甜，面頭嘅脆片增加口感。新鮮菠蘿冰，好少餐廳咁有心，整d特色飲品。菠蘿新鮮，切塊，啖啖菠蘿水超fruity。招牌木碎花士多士，超超超多花生碎及花生醬。掃qr code落order，可以揀醬及碎嘅量。多士烘過脆，花生碎滿到成盤都係，食完成口都係花生味，好邪惡。

純粹搵Lunch食乜，唔覺意搵到嘅茶餐廳環境真係唔錯，啲裝修都好好睇成間野就知蕃茄、瑞士雞翼係最出名，所以都毫無疑問地order咗🌟麻辣蕃茄湯通粉配瑞士雞翼配炒蛋湯底非常濃郁，麻辣味唔會好重，唔會蓋過個蕃茄味。瑞士雞翼有水準，唔似出邊啲餐廳，有陣時會食到冇乜味道嘅瑞士雞翼🥲但呢度係勁入味，建議唔使再點汁，因為已經好夠味！🌟豬骨濃湯肥牛米線湯底豬骨味道濃郁，真係想飲晒咁滯，分量十足，肥牛唔係得一兩片，係有好多片😂米線份量太多，最終真係食唔晒，因為仲有嗌多個小食🤣🌟招牌木碎花生多士喂呢個真係Surprise咗，好好食😋佢係有勁多花生碎喺面，然後一舊厚多士，搽滿花生醬！真係建議大家試吓！但係卡路里真係會超標😂不過同朋友share應該冇問題😅因為真係好食，唔講咁多，自己試😎

這次去了一家位於觀塘的小店，是主打蕃茄米線的，位置觀塘工業中心四期。店舖裝修是懷舊風裝修，以懷舊茶餐廳的裝修，環境舒適可以打卡一下📸。這裡以掃碼下單的，食物以選擇有很多，價格經濟實惠🙈。-▪︎茶走 | 鴦走 隨主食附送熱飲一杯，散點是HKD$18。飲品是常見茶餐廳飲品，飲品也是用煉奶取代花奶的，所以不用額外放糖，感覺健康一點🤣。茶走茶味甘香，鴦走啡味濃郁，另可因喜好而選擇多或少奶。-▪︎瑞士雞翼 HKD$38是香港特色懷舊美食之一，平常也很喜歡吃的😍。深色的賣相吸引，而且味道很香。雞翼肉質嫰滑容易咬開，證明製作時間足夠，味道甜甜做到很入味。-▪︎蕃茄麻辣手撕雞湯 HKD$53一上菜就聞到很香的麻辣味，蕃茄肉圍著米線，蕃茄控表示喜歡🥰。湯底賣相濃郁，味道酸中帶微辣，感覺是微辣的辣度。米線掛汁度高，每一口也有蕃茄湯的味道🤤。手撕雞份量多，肉質嫰滑入味。另加配了牛乳炒蛋（+$12），蛋味香濃幼滑，多了一份奶香味。-▪︎蔥花咸牛肉蛋治 HKD$28這個份量十足，顏色較吸引的美食。蛋的份量很厚身。咸牛肉微味惹味，蛋治蛋味濃郁。配蔥花吃口感較豐富，再配杯咖啡是個完美的組合。-▪︎口水雞 HKD$58這個感覺

今日想食花膠雞湯米線補返吓🫢同事建議去位於觀塘工業中心四期一樓嘅「番茄18」食lunch 🤗🤗同事說「番茄18」米線不錯，價格親民👏「番茄18」有很多不同湯底的米線，有辣有唔辣🤪今日就食花膠雞湯米線😝 米線份量很多，而且很有口感👍🏻 花膠份量也不少，厚身好有咬感🫢 湯底夠清甜，不錯！自家製蔥花滑蛋叉燒飯（少飯），滑蛋很滑，叉燒夠厚身，肥瘦適中，味道good !凍奶茶都香滑，紅豆咖啡也不錯🥰

今朝一早要過觀塘攞貨，出動勞力之前梗係要食飽啲，就去咗位於觀塘工業大廈嘅番茄18。雖然位處於工廈，但一入到餐廳環境即刻唔同晒，裝修都甚有特色，既光猛又坐得舒服。早餐選擇都幾多，而最吸引我嘅當然係佢哋嘅招牌湯底，所以我就揀咗招牌番茄叉燒湯米線配牛乳炒蛋，牛油厚多士。招牌蕃茄叉燒湯米線嘅蕃茄湯底非常濃郁，我仲見到佢除咗有蕃茄之外，仲加入咗洋蔥，所以除咗有蕃茄嘅酸，仲有洋蔥嘅甜味，好味又開胃。而佢嘅叉燒係屬於自家製，肥瘦適中，而且燒得都幾香口，如果可以再厚切啲就更加正喇！另外早餐仲配埋牛乳炒蛋牛油厚多士。牛乳炒蛋炒得好滑，顏色又夠鮮艷，無論淨食炒蛋、配多士，或加入湯米線食，都咁夾咁好味。特別要讚吓呢塊牛油厚多士，烘得啱啱好，表面香脆，而入面鬆軟，加上適量嘅牛油，真係冇得彈。另外加錢揀咗華田脆脆，上面仲有滿滿嘅阿華田粉，走甜嘅味道最適合我。另外仲揀咗兩款小食，瑞士汁雞中翼都係佢哋嘅鎮店之寶之一，每隻雞翼都脹卜卜，而入面嘅雞肉仲好嫩滑，配上鹹甜適中嘅瑞士汁，真係忍唔住食完一隻又一隻。最後我仲揀咗麻辣雙色餃子，黃皮嘅係粟米餃，而白皮嘅係白菜豬肉餃，配埋麻辣醬就夠晒醒胃。

又黎觀塘工廈覓食記觀塘工廈絕對係食店雲集既武林之地🫶🏻今日遲左起身，所以一起身就同左男朋友去蕃茄18食個下午茶。雖然話就話下午茶，但太肚餓同咩都想食既關係，所以我地叫左唔同野食都試下。首先想講下呢度既裝修，都幾特別，係以懷舊港式設計為主，幾得意食物方面，款式又包羅萬有，不過見呢度最出名就係米線同蕃茄湯～咁當然要叫個招牌午餐蕃茄濃湯牛肉米線配丹麥多士$52店員一上菜真係嚇親我地～碗米線仲大過譚仔既煤線～米線軟硬度適中，唔會太淋太硬，而蕃茄湯亦好濃郁，面頭上既炒蛋亦都做得好香好滑，食到雪雪聲～😇唔好睇小跟餐包埋既丹麥多士，烘得又脆又香金黃色～甜甜地～再查少少牛油上去好好味！成個餐$52黎講真係超值，絕對係觀塘區上班族既飯堂！新鮮菠蘿冰（跟餐+$12）另外，我地都跟餐+$12要左杯特飲新鮮菠蘿冰～真係有好多菠蘿粒粒係入面，份量充足，甜度亦都恰度好處蔥花鹹牛肉炒蛋治$28呢個送上黎既時候都令到我好驚訝，個炒蛋厚到咁，實在非常足料蛋治入口，蛋又滑又香，牛肉鹹香熱辣辣，蔥花又增添咬口，正！美中不足係個包冇烘過，如果烘埋就更加不得了下午茶餐-瑞士雞翼配什果沙律$40呢個瑞士雞翼都係佢地既招牌菜，瑞士

為食妹👧🏻最鍾意試新嘢。觀塘工廈入面。有間超人氣*番茄18*🍅。趁今日1200 食晏。走去試吓先😎。餐廳乾淨企理。設有卡位。工廈中非一般茶餐廳👍🏻。招牌花膠雞湯米線有驚喜❣️。萬萬想不到茶餐廳居然可以食到花膠雞湯🤩。以為只有一塊花膠。食到中間發現有一塊。食到尾聲估唔到仲有一塊花膠。真係唔係講笑🥹。花膠厚身有口感。雞件超嫩滑。難怪成為招牌菜❤️。+$12 有新鮮菠蘿冰。用上新鮮菠蘿。飲落係唔同啲。招牌蕃茄濃湯叉燒米線🍜選擇米線轉了通心粉。通心粉吸收晒蕃茄精華。蕃茄湯底超濃郁。忍唔住一啖接一啖😋。配丹麥多士感覺更高級。+$12飲番杯鹹檸七好爽😮‍💨。瑞士雞翼（3隻）一上枱見到有五隻雞翼以為比錯咗😅。原來雞中翼有五隻。瑞士汁調配得好好。食到我舔舔脷👅。木碎花生多士選擇了少牛油多花生醬。多士沾滿花生碎。食落又唔會太甜。花生🥜控一定要點🙌🏻。連平時唔太鍾意食甜食的🐽仔也大讚🥳。

黎開官塘中心買野，搞掂就過黎番茄18食下野，呢度個蕃茄湯米線好出名，除左米線，仲有好多其他野食，正～🍅番茄麻辣手撕雞湯米線必叫蕃茄湯！無論係原味定麻辣味都勁正，湯頭又濃又杰身，啖啖都係蕃茄味，仲有粒粒蕃茄蓉，呢碗係麻辣味，又麻又辣好過引，食到尾都幾辣㗎，但都無阻礙飲埋啲湯！米線彈牙，加上份量勁多，食哂成碗加埋飲湯，真係飽到上心口。🍛自家製蔥花叉燒滑蛋飯同事叫嘅叉燒飯又係無得彈，叉燒肥美有咬口，半肥瘦好甘香，蛋好滑，豉油汁鹹鹹甜甜好好撈飯，三下五除二就ko左碗飯，明明好大碗，點解食得咁快？！🥪丁丁炒蛋治呢樣係見到餐牌寫instant noodle & egg sandwiches先叫㗎，仲諗住係日式炒麵三文治包，原來黎到係五香肉丁炒蛋，嘩，鹹鹹香香好味又驚喜，個蛋超厚，咬落好滿足😍🥜招牌木碎花生多士同事話想食甜野，諗緊叫西多士好定花生多士好，最後揀左後者因為係招牌，哈哈😆用qr code落單可以揀多花生醬，咁梗係要邪惡一下啦。咬一啖，嘩嘩～真係好正，厚多士加上練奶同花生醬，仲有大量花生碎，多士熱辣辣，又香又脆，太好味啦🤤🧋紅豆奶茶&咸檸七食好西唔少得飲埋特飲，同事嘅紅豆奶茶茶香奶滑，紅豆

第一次去，餐牌所見目不暇給！真係想去試曬所有dishes ！打算逐個餐試，所以首次便試了花膠雞米線。d雞湯好好味！好味到我差唔多飲晒！d米線又大大碗，好入味，舊雞大大舊，算滑，算喜出望外。另一驚喜係，我叫佢比辣椒油。辣椒油係超級好味，非千篇一律，而係麻辣汁果隻味！好驚喜！不過間店幾淺窄，d位也窄，窄到轉身也不能。店舖出面也不時多人等位，裏面侍應們也是超級忙。本身QR code 下單但店內又收不到數據及他們提供的wifi 。建議想去食早一點去更好。

每次行過番茄18嘅將軍澳分店，都想試呢間茶餐廳。我今日去開觀塘，有啲時間，又見番茄18原來喺觀塘工業中心都有分店，所以就上咗去試吓。唔使入去工業區入面，喺觀塘站地鐵D3出口一落就係啦。但我行錯咗入工業中心嘅貨lift入邊，要行返出嚟，原來係呢個入口入去，上一層樓梯就最快。佢哋個餐牌真係好多嘢揀，我呢個時間去，午餐，下午茶，特色小食都可以揀。樣樣都好吸引，所以好貪心咁唔點套餐，而點左三個小食，諗住佢哋出名嗰啲都可以試吓。用QR code點餐，好快佢哋就上咗杯華田脆脆。QR code點餐嘅時可以揀埋少冰或走冰，少甜或走甜。杯特色阿華田，上面落咗好多阿華田脆粉，好似食緊阿華田餅乾碎咁，好滋味。之後就嚟咗佢哋嘅招牌木糠花生醬多士。忍唔住一口氣食咗四粒木糠多士，一咬落去，上面啲木糠令到個多士比普通嘅炕多士更加之脆。我有嘗試淨係食上面嗰啲木糠，但係都食唔出嗰啲係啲乜嘢嚟，可能係威化餅掛，但係又比威化餅實啲。創意十足，十分之值得試。佢哋另一招牌菜——瑞士雞翼，$38有五隻雞翼好抵食。雞翼好入味，食到唔停口。麻辣雙色餃子。好似紅油抄手咁，一上枱就好香麻辣味。撈埋啲蒜蓉蔥同麻辣醬，非常之野味。黃色嘅係粟

蕃茄稱王瑞士稱霸🌸蕃茄濃湯叉燒公仔麵配丹麥多士炒蛋$52⭐️⭐️⭐️⭐️⭐️蕃茄十分多勁濃郁，公仔麵每條都掛滿晒濃湯好正👍叉燒用左梅頭位，有咬口。丹麥多士焗左再趁熱塗上牛油，十分香脆可口。炒蛋用左牛乳去炒，十分香滑重蛋味！🌸花膠雞湯米線$69⭐️⭐️⭐️☆☆2塊花膠扒既厚身又大塊，而且十分軟糯，雞係雞髀位，雞湯夠鮮甜，完全沒有味精少鹽少糖，加上有好多娃娃菜係健康之選，米線質感軟硬適中。🌸蔥花鹹牛肉炒蛋治$32⭐️⭐️⭐️⭐️☆一上枱三文治十分澎湃又夠厚，啖啖鹹牛肉香味加上香滑炒蛋，再配上牛油方包，口感豐富，簡直係絕配！🌸瑞士雞翼$38⭐️⭐️⭐️⭐️⭐️雞翼嫩滑，每隻都肥嘟嘟架，瑞士汁十分入味，鹹甜鹹甜🌸大汗雞扒$30⭐️⭐️⭐️☆☆大大塊，雞扒上鋪瞞辣椒粉調味料，加上雞扒本身醃得非常入味，吃上口非常惹味🌸新鮮菠蘿冰+$12⭐️⭐️⭐️⭐️⭐️勁多菠蘿，飲落就好似食緊菠蘿甘，好Fresh 🌸咸檸七+$12⭐️⭐️⭐️⭐️⭐️有幾片檸檬加半個咸檸檬，夠晒入味，飲完喉嚨都舒服晒🌸華田脆脆+$12⭐️⭐️⭐️⭐️⭐️十分濃郁，不會過甜，面頭的脆脆超好味，脆卜卜，好正👍座位舒適，環境乾淨，冷氣足夠，店員親切有禮！======詳情======番茄18 (觀塘工業中