BRICK LANE (圍方)

營業中

休息中

今晚同朋友去左一間英倫風格西餐廳，環境雅致，燈光柔和，座位舒服，係食飯傾偈嘅好地方。巴瑪火腿洋梨火箭菜沙拉巴瑪火腿薄薄一片，鹹香味濃郁，洋梨清脆爽口，甜美多汁，火箭菜脆嫩可口，多種風味和口感巧妙地結合，每一口都帶來豐富既味覺享受。戰斧牛扒/薯條視覺上非常震撼，牛扒好大塊，點左店員推薦既 medium，火候剛剛好，外層焦香，肉質呈嫩粉紅色，口感細膩，香氣濃郁，薯條香脆可口。香草雪糕牛角包窩夫/烤杏仁、蜜糖牛角包窩夫人入口酥脆，加入充滿濃郁堅果香氣既烤杏仁，和帶有天然花香味既蜜糖，香草雪糕絲滑綿密，帶來豐富既口感層次。Somerton Merlot食牛扒一定要飲返杯紅酒，左來自澳大利亞既 Somerton Merlot，入口感受到一股濃郁既黑加侖香氣，帶有一絲微酸既果味，隨後品嚐到黑櫻桃既甜美，甘草既淡淡苦味，香草柔和既甜味，豐富層次。