影片
更多
2025-05-29
0 瀏覽
呢間位於尖沙咀既樓上餐廳，整體裝修復古，富英倫風格。夜晚更化身為主題酒吧，仲有全港首創高清打印自選圖片分子雞尾酒，味道獨特又吸睛。今晚就約埋朋友黎Happy hour！Crystal Coffee🍸呢杯創意調酒以Vodka為基底，加入Clarify Coffee，入口帶淡淡咖啡香，頂層係微鹹Sea Salt Milk Foam，面層既綿密奶泡有驚喜！可以打印圖片，啱曬女士們打卡！鐵板火焰香草烤雞🔥原隻三黃雞份量十足！上桌時淋上烈酒點燃火焰，視覺效果滿分！雞皮烤得金黃香脆，肉質鮮嫩多汁，香草醃料滲透整隻烤雞，好入味。三文魚他他汁千層新鮮三文魚切成細膩薄片，混入微酸開胃他他醬，口感滑嫩，底層鋪滿蕃茄粒，夾埋頂層牛油果醬，層次豐富而不膩！配烤脆麵包一流！牛油果水牛芝士蕃茄沙律成熟軟糯牛油果，搭配奶香綿密水牛芝士，再配上蕃茄切片，淋上巴薩米克醋醬，清新中帶點奶香。沙律菜爽脆，整體口感平衡，既健康又滿足。呢餐體驗不錯，菜式擺盤精緻，味道亦充滿巧思，加上獨特雞尾酒搭配，絕對係約會或慶祝既絕佳選擇。宜家餐廳仲做緊優惠，每日Happy Hour 3pm 至 7:30pm，所有啤酒紅酒白酒同無酒精飲品都
呢間位於尖沙咀既樓上餐廳，整體裝修復古，富英倫風格。夜晚更化身為主題酒吧，仲有全港首創高清打印自選圖片分子雞尾酒，味道獨特又吸睛。今晚就約埋朋友黎Happy hour！
Crystal Coffee🍸
呢杯創意調酒以Vodka為基底，加入Clarify Coffee，入口帶淡淡咖啡香，頂層係微鹹Sea Salt Milk Foam，面層既綿密奶泡有驚喜！可以打印圖片，啱曬女士們打卡！
鐵板火焰香草烤雞🔥
原隻三黃雞份量十足！上桌時淋上烈酒點燃火焰，視覺效果滿分！雞皮烤得金黃香脆，肉質鮮嫩多汁，香草醃料滲透整隻烤雞，好入味。
三文魚他他汁千層
新鮮三文魚切成細膩薄片，混入微酸開胃他他醬，口感滑嫩，底層鋪滿蕃茄粒，夾埋頂層牛油果醬，層次豐富而不膩！配烤脆麵包一流！
牛油果水牛芝士蕃茄沙律
成熟軟糯牛油果，搭配奶香綿密水牛芝士，再配上蕃茄切片，淋上巴薩米克醋醬，清新中帶點奶香。沙律菜爽脆，整體口感平衡，既健康又滿足。
呢餐體驗不錯，菜式擺盤精緻，味道亦充滿巧思，加上獨特雞尾酒搭配，絕對係約會或慶祝既絕佳選擇。宜家餐廳仲做緊優惠，每日Happy Hour 3pm 至 7:30pm，所有啤酒紅酒白酒同無酒精飲品都係半價，快啲約埋三五知己去小酌一杯！
張貼
