影片
更多
2024-01-04
60 瀏覽
單睇店名已經知道呢間店最出名嘅一定係雞，沒錯，全部都係雞，仲要係花膠再加雞痴埋一齊食，絕對夠養生。店舖面積比較細，人多時候都要等多陣，店員好忙做唔停，自行用APP落單就快捷方便點。因為唔算太餓，無點米線或酸辣粉類，直接就叫了半隻痴膠雞。整鍋雞連埋小火爐上，湯底味道濃，帶有雞油香味，花膠都有6至8大片，咬落爽滑，雞件份量足半隻，肉質軟嫩，食到一半已經覺得身體暖笠笠，最後連湯都飲晒見鍋底，感覺很滋補。小食方面，本來都想試下期間限定的涼拌海珊瑚，不過可能太晚去已售罄。於是另外點了明太子釀雞翼及金磚豆腐，兩樣都係即叫即炸，即之熱辣辣所以小心燙口。雞翼釀得幾飽滿，好多肉，入口微辣；而豆腐就有成20粒咁多，沾滿香口的七味粉，極之惹味。PS.老闆似乎係SLAM DUNK迷，門口處貼有幾張手繪漫畫，唔知係咪佢自己畫的呢?痴膠雞(半隻) $148明太子釀雞翼 $20/隻金磚豆腐 $42
因為唔算太餓，無點米線或酸辣粉類，直接就叫了半隻痴膠雞。整鍋雞連埋小火爐上，湯底味道濃，帶有雞油香味，花膠都有6至8大片，咬落爽滑，雞件份量足半隻，肉質軟嫩，食到一半已經覺得身體暖笠笠，最後連湯都飲晒見鍋底，感覺很滋補。
小食方面，本來都想試下期間限定的涼拌海珊瑚，不過可能太晚去已售罄。於是另外點了明太子釀雞翼及金磚豆腐，兩樣都係即叫即炸，即之熱辣辣所以小心燙口。雞翼釀得幾飽滿，好多肉，入口微辣；而豆腐就有成20粒咁多，沾滿香口的七味粉，極之惹味。
PS.老闆似乎係SLAM DUNK迷，門口處貼有幾張手繪漫畫，唔知係咪佢自己畫的呢?
痴膠雞(半隻) $148
明太子釀雞翼 $20/隻
金磚豆腐 $42
張貼
