走過十萬八千里找到你

營業中

休息中

最近去咗杏花新城內嘅「走過十萬八千里找到你」食Dinner Set，價位適中，而且餐廳仲會喺每張餐枱擺放一個蠟燭，蠟燭散發嘅香味令環境更有情調。*此餐廳收取加一服務費。溫泉蛋海膽汁蟹籽意粉（套餐$128），溫泉蛋流心效果突出，配料包括有蟹籽、冬菇、沙律菜，但略嫌三者份量都好少，令到整體食依碟意粉好似只係得意粉食，意粉食落充滿海膽汁味道，味道鹹鮮。帶子蟹膏蟹肉意大利飯（套餐$125），帶子表面經香煎過，食落口感厚嫩，肉質一絲絲，味道鮮甜，配料包括有洋蔥、冬菇、沙律菜，略嫌蟹膏、蟹肉兩者均欠奉，稍有失望，意大利飯口感軟硬適中。2碗是日餐湯（跟餐$0），椰菜花馬鈴薯忌廉湯，口感Creamy，味道清新，內有馬鈴薯粒。鮮什莓奶昔（跟餐$29），內有藍莓、草莓，口感幼滑，味道酸甜。白桃紅茶（跟餐$29），本來以為係類似冷泡茶，係採用白桃紅茶茶包浸泡而成嘅茶飲，但原來實際係紅茶加上白桃糖漿，因為飲品整體味道偏甜，所以最後飲唔曬。