小老板 (太安樓)

營業中

休息中

無晚市之後又要周圍搵抵食外賣，今日就嚟到西灣河呢間位於太安樓嘅小老板，雖然成日大排長龍，但呀姐好快手，都唔洗等好耐。水餃麵($28)水餃麵份量不少，水餃都大大粒，餡料肉同菜嘅比例剛剛好，外賣拎到返屋企麵條都唔會太腍，仲有蔥花點綴添。雲吞擔擔麵 ($32) 擔擔醬中嘅花生味十分香濃，濃郁醬料非常掛麵，雲吞軟滑，啖啖惹味。酸辣湯 ($20) 木耳絲夠爽口， 配料仲有豆腐，蛋花...等等，拎到返嚟仲係熱辣辣，濃稠度剛好，要襯熱食啦！