花楽 (北京道1號) (已結業)

餐廳位置在尖沙咀北京道，居高臨下，盡覽維多利亞夜景，伴隨住餐廳花團錦簇既佈置，充滿浪漫氣氛。吉列炸蠔伴黑松露醬(4本)：炸蠔外脆內嫩，鮮味十足，蘸上味道獨特既黑松露醬，多層次口感。花樂燒賣甲羅燒：將滿戴住蟹肉、蟹子、鵪鶉蛋、海膽既蟹殼放在烤爐上面拌勻，再塗在多士上面食，味道咸香。中華風燒賣壽司：燒賣造型既壽司，用埋蒸籠上，神似度極高。野菜沙律：除左新鮮蔬菜外，仲用左沖繩既海葡萄，味道清新。花樂彩虹卷：用左唔同顏色既魚生砌出繽紛既彩虹顏色壽司，好有心思和創意。日本燒牛肉石鍋飯：牛肉份量多，牛味濃郁，石鍋飯熱辣辣，帶少許飯焦，加上洋蔥和芝麻，口感豐富。黑豚肉稻庭烏冬：黑豚肉軟嫩；烏冬口感煙韌，索滿昆布湯底既香氣，清甜可口。總結，食物質素高，擺盤精美，環境高級，聚會又多個選擇。