影片
更多
2024-03-10
67 瀏覽
餐廳：花晨月夕 (尖沙咀) 地址：尖沙咀赫德道2號金麟商業中心2樓 尖沙咀呢間花晨月夕 @kuno_hk 開咗4年，佢哋主打Omakase🍣，以季節性食材同食物賣相為特色，餐廳會根據日本東京中央漁市場嘅營業日子去運送最新鮮嘅飛機海鮮貨返港✈️，重點喺佢哋嘅價錢都算比較親民實惠，午市12貫壽司都只喺$388😍 今次負責招呼我嘅師傅喺呢行做咗接近20年，每道食物嘅擺盤都見佢落足心思去裝飾🌸，加上每道食物佢都會親自詳細講解食材嚟自邊度、有咩特別之處、處理方法係點等等，比食客對食物有更加多了解之餘，亦知道自己喺食緊咩😌 今次食嘅Omakase都真喺幾Tailor-made($1380)，有先付、刺身4款、御料理、寿司6貫、吸い物同甜品，有咩想食唔想食都可以預先同師傅講定🤓，希望食客可以有一個最好嘅享受✨。首先送上嘅前菜有白合柑桔漬🍊、小魚乾配白飯魚乾、配上甘甜三文魚籽嘅北海道帶子金菇漬 ✝️真鯛魚薄切 將薄切咗嘅真鯛魚包住甜蝦蝦蓉，面頭放上魚子醬，配埋紫蘇花冧同秘製酸汁一齊食，鮮甜香味層次突出，食之前師傅仲會製造煙霧效果，用上食用番梘泡整成打卡一流 嘅氣泡，食得睇得又影得📸 ✝️日本兵庫縣象拔蚌 將
地址：尖沙咀赫德道2號金麟商業中心2樓
尖沙咀呢間花晨月夕 @kuno_hk 開咗4年，佢哋主打Omakase🍣，以季節性食材同食物賣相為特色，餐廳會根據日本東京中央漁市場嘅營業日子去運送最新鮮嘅飛機海鮮貨返港✈️，重點喺佢哋嘅價錢都算比較親民實惠，午市12貫壽司都只喺$388😍 
今次負責招呼我嘅師傅喺呢行做咗接近20年，每道食物嘅擺盤都見佢落足心思去裝飾🌸，加上每道食物佢都會親自詳細講解食材嚟自邊度、有咩特別之處、處理方法係點等等，比食客對食物有更加多了解之餘，亦知道自己喺食緊咩😌 今次食嘅Omakase都真喺幾Tailor-made($1380)，有先付、刺身4款、御料理、寿司6貫、吸い物同甜品，有咩想食唔想食都可以預先同師傅講定🤓，希望食客可以有一個最好嘅享受✨。
首先送上嘅前菜有白合柑桔漬🍊、
小魚乾配白飯魚乾、配上甘甜三文魚籽嘅北海道帶子金菇漬 
✝️真鯛魚薄切 將薄切咗嘅真鯛魚包住甜蝦蝦蓉，面頭放上魚子醬，配埋紫蘇花冧同秘製酸汁一齊食，鮮甜香味層次突出，
食之前師傅仲會製造煙霧效果，
用上食用番梘泡整成打卡一流 嘅氣泡，
食得睇得又影得📸 
✝️日本兵庫縣象拔蚌 將象拔蚌切成兩款形狀✌️：
薄片切法食落有層次感，
條狀切法食落爽口，加上青檸汁同柚子皮更加帶出象拔蚌嘅鮮甜 
✝️北海道毛蟹肉馬糞海膽 將兩款鮮甜濃度極高嘅北海道毛蟹肉同馬糞海膽放埋一齊，加上紫蘇葉帶出獨特清新香味同辟腥，
用紫菜包住嚟食，因為食材本身鮮味都好出，唔會搶咗彼此鮮味👍 
✝️鰤魚 鰤魚喺冬季屬於時令食材❄️，又名「寒鰤」，喺比較大條嘅油甘魚，正常嘅油甘魚有3-4kg，而鰤魚就可以重達8-10kg，油脂濃郁程度亦更加豐富，
所以師傅用火槍火炙逼出魚油，食落更香濃細膩🤤，面頭再放上少少蒜蓉可以解膩 
✝️鹽燒鰆魚 本身已經鮮味十足嘅鰆魚，輕輕鹽燒就可以充分帶出鮮味🧂，配上蘿蔔蓉柚子醋一齊食更加有提鮮作用，另外仲有楤木芽同甘醋蕪青作為伴菜 
✝️炙燒螢光魷魚 春天當造嘅螢光魷魚🦑，喺日本富山特產🇯🇵，雖然細細隻但魷魚頭飽滿多膏，炙燒過後食落爽脆，最啱配埋柚子麵豉醬一齊食 
✝️深海池魚壽司 所用嘅喺養殖池魚，油脂感比野生嘅再多少少🤏，入口甘香得嚟最重要喺肉質爽口彈牙😬 
✝️帆立貝壽司 帆立貝相信大家都食得多，不過見住師傅喺呢舊帆立貝上面起勢咁切咗好多刀，令口感層次比平時食開嘅提高咗好多🤩，加埋青檸汁帶出帆立貝嘅鮮甜口味 
✝️富山縣特產——小白蝦壽司 呢件壽司已經有十幾二十隻小白蝦，一啖放入口綿密到極致😎，肉質彈牙同時帶有黏口感，配上玫瑰岩鹽同柚子皮突顯出蝦甜同清新味道 
✝️火炙靜岡地金目鯛壽司 地金目鯛喺金目鯛中嘅極品，喺日本眾多魚類刺身嘅最高級別魚種，
輕輕炙燒食落肉嫩較有油份🔥，皮韌而甘香✨ 
✝️大分縣中拖羅 藍鰭腹背位置嘅腩肉，雖然脂肪比大拖羅少，但食落幾乎無筋仲要無咁膩，入口即溶嘅感覺令人難忘😽 
✝️赤海膽壽司 淡金黃色嘅秋山水產赤海膽，幼滑之餘一啲腥澀味都無🌊，師傅將海膽放上赤醋飯同紫菜上面之後，就直接遞到我手上，
再喺眼前灑上雪花鹽同噴上食用金箔調味裝飾❄️，非常有睇頭😻 
最後店員送上蜆湯同甜品作結，
有白酒啫喱伴青印提子，
同埋日本出產赤肉蜜瓜🍈，食完成餐都真喺幾滿足飽肚🥰
張貼
