丸作食茶 (德民街) (已結業)

終於嚟試芝麻丸，今次嗌左阿薩姆紅茶，少甜，正常冰。茶味一般，無特別香嘅紅茶味，好普通，唔係值得一飲嘅茶。反而上次飲嘅綠茶香好多，好飲好多。不過芝麻丸好香芝麻味，亦無傳聞中所講嘅芝麻好粗好㓤脷 😂 食落煙韌軟熟，又香又好食。茶同珍珠比例剛剛好，無多無少 👍🏻不過有一樣野極度唔鍾意，就係個蓋既設計好差😡 塊膠薄D就環保D咩？！好似唔係咁計。因為張膠好薄，令到彈性增強，於是每次用飲管插入去果陣，好難穿過，但又會爆開少少，茶就爆到成蓋都係。如果想一路行一路飲，就會好易倒到成身都係，整污糟D靚衫 😡 呢方面應該要改善下。其他牌嘅茶店杯蓋都唔會咁～