影片
更多
2020-04-28
97 瀏覽
元祖沾麵專門店 (3.6/5) 🌕🌕🌕🌗🌑推薦程度：🔥🔥🔥🔥 (5🔥為最高)今次帶大家食日本🇯🇵菜嘅沾麵，日本拉麵🍜大家就聽得多，而至於日本沾麵係香港🇭🇰黎講就無乜人講，又唔係間間日本餐廳都有沾麵。呢間元祖沾麵專門店位於尖沙咀嘅厚福街，唔知係厚福街呢條美食大街嘅日本沾麵好唔好食呢?我叫左極上芝士蟹皇沾麵＋$10飛魚子($159)，而朋友就叫左魚介沾麵($73)。未講食物之前，唔知大家係IG有冇見過元祖沾麵專門店廣告呢🤔，我就至少見過十次以上喇😅，唔多唔少都係依個原因而識呢間餐廳🤗，見佢廣告介紹得咁正咪過去試吓。尖沙咀嘅厚福街出名美食街，相信大家都唔會陌生啦，一於去睇吓係咪廣告講到咁正……極上芝士蟹皇沾麵＋$10飛魚子($159)(4/5) 🌕🌕🌕🌕🌑價錢方面偏貴💸，值唔值得就要試過先知喇。賣相好靚，十足十係日本🇯🇵食咁，無論係食物定係裝住食物嘅容器都好日本風好靚，令人置身於日本一樣。影相📸打卡📱完唔講咁多試吓個味先，沾麵湯有3️⃣款比我揀，我揀咗芝士🧀海膽湯，其餘兩款係赤海老同埋龍蝦🦞湯。🥢夾一樹麵放落湯到，一啖放落口，芝士🧀味好濃郁，滿口都係芝士味。大家記住食之前攪勻佢，第二啖即刻覺得好
推薦程度：🔥🔥🔥🔥 (5🔥為最高)
今次帶大家食日本🇯🇵菜嘅沾麵，日本拉麵🍜大家就聽得多，而至於日本沾麵係香港🇭🇰黎講就無乜人講，又唔係間間日本餐廳都有沾麵。呢間元祖沾麵專門店位於尖沙咀嘅厚福街，唔知係厚福街呢條美食大街嘅日本沾麵好唔好食呢?
我叫左極上芝士蟹皇沾麵＋$10飛魚子($159)，而朋友就叫左魚介沾麵($73)。未講食物之前，唔知大家係IG有冇見過元祖沾麵專門店廣告呢🤔，我就至少見過十次以上喇😅，唔多唔少都係依個原因而識呢間餐廳🤗，見佢廣告介紹得咁正咪過去試吓。尖沙咀嘅厚福街出名美食街，相信大家都唔會陌生啦，一於去睇吓係咪廣告講到咁正……
極上芝士蟹皇沾麵＋$10飛魚子($159)(4/5) 🌕🌕🌕🌕🌑
價錢方面偏貴💸，值唔值得就要試過先知喇。賣相好靚，十足十係日本🇯🇵食咁，無論係食物定係裝住食物嘅容器都好日本風好靚，令人置身於日本一樣。影相📸打卡📱完唔講咁多試吓個味先，沾麵湯有3️⃣款比我揀，我揀咗芝士🧀海膽湯，其餘兩款係赤海老同埋龍蝦🦞湯。🥢夾一樹麵放落湯到，一啖放落口，芝士🧀味好濃郁，滿口都係芝士味。大家記住食之前攪勻佢，第二啖即刻覺得好食好多，個湯的確咸左啲，本身個麵都無乜味，所以將個樹麵輕輕地沾一沾就夠味，感樣就唔會覺得會咸啦。麵底好正爽口，而個湯濃郁入味。
極上芝士蟹皇沾麵＋飛魚子
$159
7 瀏覽
0 讚好
0 留言
今次另一個重點係芝士🧀蟹皇🦀，就咁睇個樣已經好吸引啦，成個面都係芝士🧀嚟，係呀又係芝士，我真係好種意芝士咖，身為🧀芝士腔🧀嘅我即刻急不及待食，照舊🥢夾一樹麵再輕輕放一半麵去沾，然後用匙羹🥄筆少少芝士蟹皇，再加埋一齊食。滿腔都係好濃郁嘅芝士味，跟住食到蟹味，最後食到少少海膽味，口感好豐富，好滋美好幸福嘅感覺，不過依個食法的確會覺得咸，好容易就會口乾想飲水，再加埋飛魚子仲好味。
差啲就唔記得講個碗麵其他料😅，講左個叉燒先，個叉燒有兩塊仔，同埋塊叉燒都幾薄，完全唔夠喉，而個半隻蛋就中規中矩啦，無乜特別。本身餐廳有個沾麵享用方法教你點食最好，一開始食我就無乜理會到，最後個方法係話可以叫店員幫手係沾麵加木魚湯，不過食到最後個沾麵湯都所剩無幾，所以最後無試到，唯有下次有機會再試……
魚介沾麵
$73
9 瀏覽
0 讚好
0 留言
魚介沾麵($73)(3.2/5) 🌕🌕🌕🌘🌑
價錢方面幾抵💸，一百蚊都唔洗，賣相都幾靚，都係果句十足十係日本🇯🇵食咁，不過得個麵同埋個湯係差咁啲啦。照舊🥢夾一樹麵放落湯到，一啖放落口，魚介湯無芝士海膽湯咁正😌，魚介湯個味好熟悉，同平時食日本🇯🇵拉麵🍜嘅湯底好似，無乜驚喜同埋特別😐。麵底同樣好爽口，而個魚介湯都濃郁入味，💰平平地💰想食個沾麵，依個就啱曬啦……
------------------------------
總括嚟講，元祖沾麵專門店嘅沾麵真係幾好食，尤其應該係第一次食沾麵嘅我，對沾麵嘅第一次印象都幾好，有別於日本拉麵，最大分別當然係一個係直接放入湯，一個係以過冷河方式。
呢間元祖沾麵專門店幾推薦大家過嚟食，極上芝士蟹皇沾麵當然好啲，口感豐富好多，你可以連湯都揀芝士🧀，咁樣全部都有芝士喇，啱曬芝士腔嘅你啦😉，不過咸左啲，容易口乾，同埋個價錢都唔平💸，不過我都推薦大家食依個極上芝士蟹皇沾麵。而至於魚介沾麵呢，就啱曬想初嘗沾麵嘅你喇，💰性價比高💰，價錢合理唔會好貴，唔驚糧尾食唔到，不過就單調左少少😀，始終少咗個主菜。除咗極上芝士蟹皇沾麵之外，都仲有好多款比你揀，任君選擇⋯⋯
張貼
