米走雞Deluxe (已搬遷) 新店位置

呢幾日天氣真係好凍啊，最啱就係打邊爐食雞煲㗎喇🤓今次一於去食想食好耐嘅米走雞芝士雞煲🤩我地要咗一個增量版芝士嘅黃金起司雞煲！海量嘅芝士真係可以俾我無限拉絲🤤比我想像中無膩，因為佢有好多好甜嘅洋蔥同紫洋蔥，湯底越煮越甜🤗雞件份量都幾多、而且好多肉，食極都仲有咁😛好欣賞佢有得自由選擇要唔要芫荽、中芹😆咁濃厚嘅芝士湯，所以我哋都嗌咗幾款非常索湯嘅火鍋配😜鮮腐竹同稻庭烏冬都無得輸，完全食到芝士湯嘅精華😎仲嗌咗鮮製韭菜餃，餃子皮煙靭餡料勁飽滿🥰另外仲嗌咗油麥菜，估唔到油麥菜同奶味嘅湯底出奇地夾！有冇人同我一樣打邊爐鍾意食午餐肉架😌咁邪惡嘅湯底落埋邪惡嘅午餐肉成件事完美！