影片
更多
2024-06-21
2773 瀏覽
又到左Happy Friday~收工當然要食好野，今次就去中環食芝士吉列豬扒(´▽｀)事緣係之前見到有人介紹好吸引…岩哂我呢個芝士愛好者(⁎⁍̴̛ᴗ⁍̴̛⁎).餐廳除左有芝士吉列豬扒外，仲有普通吉列豬扒、吉列豬柳、炸蝦、炸蠔、吉列雞扒同醬汁豬扒。.番薯芝士吉列豬扒 $198六件都係芝士吉列豬扒又好似太單一，呢到有好多唔同款式既雙拼，一次過可以試到唔同款式既味道。最後我揀左番薯🍠同芝士吉列豬呢個配搭，幾特別。蕃薯蓉幼滑唔會過甜，口感豐富，同時有少少膩😂.芝士吉列豬扒外脆內嫩，面頭鋪滿芝士做到拉絲效果，好岩用嚟打卡。套餐配有多種不同醬汁，仲有好得意嘅笑臉調味料，有山葵、松露鹽、鹹蝦醬、炸豬扒醬、黃芥末等等，每樣調味配搭豬扒都有唔同風味。.每個套餐都有飯、麵、沙律同前菜。飯同麵份量都唔算多，但食完都好飽。個冷麵幾好食，少少酸幾開胃，唔夠飽嘅話仲可以無限添加。.芝士&炸蝦套餐 $188炸蝦大大隻，而且炸得香脆，蝦肉新鮮彈牙。芝士吉列豬扒一樣炸得外脆內嫩，鋪上水牛芝士，滿滿既拉絲效果.朋友係食之前係咁話行好遠行到出汗😂食完就話值得行咁遠去食😏
.
餐廳除左有芝士吉列豬扒外，仲有普通吉列豬扒、吉列豬柳、炸蝦、炸蠔、吉列雞扒同醬汁豬扒。
.
番薯芝士吉列豬扒 $198
六件都係芝士吉列豬扒又好似太單一，呢到有好多唔同款式既雙拼，一次過可以試到唔同款式既味道。最後我揀左番薯🍠同芝士吉列豬呢個配搭，幾特別。蕃薯蓉幼滑唔會過甜，口感豐富，同時有少少膩😂
.
芝士吉列豬扒外脆內嫩，面頭鋪滿芝士做到拉絲效果，好岩用嚟打卡。套餐配有多種不同醬汁，仲有好得意嘅笑臉調味料，有山葵、松露鹽、鹹蝦醬、炸豬扒醬、黃芥末等等，每樣調味配搭豬扒都有唔同風味。
.
每個套餐都有飯、麵、沙律同前菜。飯同麵份量都唔算多，但食完都好飽。個冷麵幾好食，少少酸幾開胃，唔夠飽嘅話仲可以無限添加。
.
芝士&炸蝦套餐 $188
炸蝦大大隻，而且炸得香脆，蝦肉新鮮彈牙。
芝士吉列豬扒一樣炸得外脆內嫩，鋪上水牛芝士，滿滿既拉絲效果
.
朋友係食之前係咁話行好遠行到出汗😂食完就話值得行咁遠去食😏
張貼
