糖町芋泥甜品

營業中

休息中

好溫馨嘅甜品小店，簡單裝修，兩位叔叔姨姨都非常友善。甜品全部同芋泥有關，開頭諗「吓？咁單一」，食落覺得真係做得好，難怪有自信。 ✦ 芒果芋泥冰芒果份量多、香滑。芋泥好重料、真係香濃又飽肚。冰底做得好好，綿滑細膩。 ✦ 芋泥綿綿冰姨姨介紹嘅 off-menu。真係做得好綿滑、芋泥味香濃，texture上完全冇食緊冰嘅刺激感。再加埋芋圓、丸子、爆珠等，口感豐富。 ✦ 芋泥丸子蛋撻最有驚喜嘅一個，香滑蛋撻上有一大層香濃、重料芋泥，on top 仲有兩粒大丸子(個味似湯丸皮，煙韌香口), 再 on top 有層芋泥漿。一啖咬落去，口感豐富，味道多層次。非常推薦。