糖町芋泥甜品

營業中

休息中

餐廳：糖町芋泥甜品地點：土瓜灣北帝街菜式：芋泥甜品餐牌：冰沙、蛋撻、芋泥牛乳、芋泥大滿足、芋泥甜品、檸檬茶芋泥茉莉奶磚腦袋杯 $46芋泥茉莉奶磚腦袋杯份量多到差啲滿瀉，面頭一客四件奶磚腦袋，非常滑溜，奶味濃郁。下底有好大件厚身滑溜芋泥。個奶好香滑，唔太甜。仲有少少脆片加添口感。芋泥茉莉丸子奶凍 $28白色奶凍好大件，眼見質感好Q彈，食落超滑溜，入口即融，牛奶味香。面頭兩粒煙韌丸子，加有香滑濃厚甜甜芋泥漿，伴有綿滑甜甜芋泥，成份甜品食落唔算太甜。朱古力綿綿冰 $52呢款朱古力綿綿冰餐牌未有，成座山咁大，好多幼薄綿綿冰，朱古力味濃，伴有朱古力脆珠、迷你煙韌mochi、爆珠、西米等，加添口感。呢度芋泥甜品有特色又好味，店員態度友善。店舖呈淺紫色，有好多紫色花花擺設，打卡一流。愛芋泥人士必試。

芋泥控必食！甜品店以皇牌芋泥為主，每口芋泥也入口幼滑，香芋味濃郁，芋泥控不能錯過！芋泥撈水果杯想像不到芋泥與水果是這麼低匹配，絕無違和感，芋泥入口順滑綿密，水潤軟滑，芋味濃郁，配上鮮芒果及石榴，香氣四溢，非常清新芋泥麻薯腦袋杯芋泥控必食，大滿足！甜品店每日現蒸正宗荔浦芋，芋泥甜度適中，口感綿滑，配上軟糯麻薯，讚！芋泥巴斯克巴斯克底層是厚厚的香濃芋泥，芋泥加芝士，兩者口感幼滑，令整個口腔充滿着芋泥及芝士的香氣，低糖配方，必食推介糖町芋泥甜品📍香港香港土瓜灣北帝街38號地下6號舖

聽講土瓜灣有間新開嘅甜品店，主打多款芋泥甜品，店家每日現蒸正宗荔浦芋，真材實料。小編正好經過附近，真好去試下芋泥撈芋泥杯 $46芋泥滑得嚟又綿密，入口即化，有一陣淡淡嘅芋香，搭配埋底層嘅芋頭粒，雙重口感芋泥茉莉丸子奶凍 $28奶凍滑溜，帶有茉莉花香，咬落去有啲微微嘅回甘，配合芋泥嘅綿密口感法式濃巧熔岩黑洞冰 $52濃郁朱古力，冰雪口感，一種清涼嘅快感，適合炎熱嘅日子整體嚟講，真係解鎖咗芋泥n+嘅食法，值得一試！

行過土瓜灣見到呢間糖町芋泥甜品，佢個名已經夠晒吸引，芋泥控嘅我點可以錯過！即刻入去試下佢哋嘅招牌芋泥甜品！⭐芒果綿綿冰呢個綿綿冰一嚟到，嘩，賣相已經好吸引！個冰嘅芒果味唔會話好假，係天然嘅芒果香甜味，加埋啲芒果肉，真係好甜好好味😋！仲有丸子同龍珠，口感豐富，正呀👍！⭐芋泥麻薯腦袋杯呢個絕對係我嘅心頭好！一打開蓋就聞到好香嘅芋泥味，食落口，芋泥好濃郁，加埋煙煙韌韌嘅麻薯，真係無得輸！一入口，真係只有😍😍😍同大滿足！入面仲有啲鮮奶，令到成個甜品更加滑順。個面頭仲有脆脆嘅，增加咗口感，正👍！真係太好食啦🤤！⭐奧利奧抹茶奶凍呢個奶凍真係好滑溜，入口即溶咁！而且佢哋啲芋泥唧出嚟嘅花好靚，睇得出好用心。除咗可以就咁食個奶凍，加埋oreo碎就變咗oreo味嘅奶凍，同芋泥一齊食，又變咗芋泥味嘅奶凍，真係好多食法，隨你DIY！重點係無論你點DIY都係咁好食😋！

【九龍城區】【糖町芋泥甜品】同春哥喺附近做嘢，唔算好肚餓，但又想搵度地方坐吓。我哋喺土瓜灣逛逛吓就見到呢間裝修到成片紫色嘅芋泥甜品店，咁就入去試吓佢喇。佢哋係以芋泥為主嘅甜品店，一睇餐牌真係全部都係芋泥嘢，咁啱我哋都幾中意，就叫兩樣嚟試吓先，都係 share 食。先試 $32 嘅「芋泥巴斯克」，冇諗過巴斯克蛋糕原來可以同芋泥咁夾，蛋糕本身嘅柔軟感同芋泥嘅軟糯感係配合到嘅，味道上，分開食同一齊食都完全冇問題，正呀。跟住試 $52 嘅「芒果綿綿冰」，芒果味好濃，唔會好水咁，有啲似芒果雪糕，係高質嘅。跟住試 $46 嘅「芋泥茉莉奶磚腦袋杯」，個奶磚係奶凍嚟，配合埋裡面啲奶，好似芝士奶蓋咁嘅 feel，勁邪惡。試埋 $48 嘅「香芋冰淇淋芋泥冰」，香芋雪糕加芋泥冰，絕對係「芋頭控」嘅至愛，面頭仲有啲朱古力添。愈叫愈多，埋單 $178 又唔係貴喎。。。（地址：土瓜灣北帝街38號地下6號舖）

對於芋泥控來說，有一間專做芋泥的甜品店，專門照顧我們這些芋泥控實在太幸福了！這間甜品店樓底高，空間感不錯，紫色牆身加上花花，感覺少女心滿滿的，我們坐在窗邊位置，桌面有一堆茄子造型的公仔很可愛唷～這裏有多款芋泥甜品，還有芋泥蛋撻、芋泥牛乳等，全部都用上每日現蒸的正宗荔浦芋，芋頭味道香濃，完全滿足到我這個芋泥控啊！♡芋泥茉莉丸子奶凍$28 🥢必點🥢丸子口感煙韌，上面淋有點芋泥，而奶凍帶有淡淡的茉莉香味，非常的q彈，口感幼滑，旁邊還有唧花的芋頭芋泥，外表美美又好吃！♡芋泥麻糬腦袋杯$46 🥢必點🥢表面有一層奶蓋脆脆，麻糬和芋泥份量十分多，多到有點溢出來啊！香濃的芋泥加上麻糬，口感非常豐富，芋泥控一定要點呢～♡芋泥巴斯克$32 🥢必點🥢巴斯克芝士加上芋泥，兩者味道剛剛好不會搶對方味道，帶點流心狀態的芝士令芝士味更為香濃，而且整個口感更加濕潤，一點都不會覺得乾呢！♡芒果綿綿冰帶有微微珠光的珍珠爆珠充滿光澤感，就好像一顆顆的珍珠，美美的唷～和煙韌的丸子再配上粒粒鮮甜的芒果和幼滑的綿綿冰，每一口都充滿口感和清新的芒果味，甜度適中，吃完整個都不會感到膩。✖️餐廳不設加一服務費

今日同大家分享我去咗間充滿💜花花世界嘅甜品店打卡📸！佢哋主打每日新鮮自家製嘅芋泥產品，而且不含防腐劑，食得安心又健康😋。我叫咗芋泥茉莉奶豆磚腦袋，滑溜嘅豆磚配上濃郁嘅芋泥蓉同芝士奶蓋，仲有紫色既脆米，口感豐富，好有層次！另外仲有抹茶綿花冰🍧，好軟滑，加上爆爆珠同芋頭珍珠，好有層次！最特別嘅係鴨屎綠芋泥牛奶，味道真係好驚喜地址：土瓜灣北帝街38號餐廳名：糖町芋泥#甜品 #打卡 #紫色 #花花 #芋泥控

試勻晒街咁多間糖水舖，芋泥多數都係配角🥹就算有款甜品話係芋泥做主角都硬係要加埋啲紅豆、西米配料🤣對我哋呢啲芋泥控嚟講，真係成日食到心癮癮唔夠喉！ 前幾日第一次去糖町試吓，叫咗碗「芋泥撈芋泥」！成碗粉紫色睇落好治癒！由面到底都係芋泥，面頭稀身啲似芋泥漿，底層就杰撈撈似芋泥糊。撈勻咗之後稀稠度啱啱好，甜度又唔會漏，食完成碗飽飽哋，真係有種「終於搵到本命芋泥」嘅滿足感！ 佢哋嘅沙冰都勁足料！芋泥控一定要試！唯一彈嘅係位置有啲吊腳，開喺條靜雞雞嘅橫街，唔特登搵真係行過都未必為意到。嗰日下晝三點幾得我同另一枱客，唔知夜晚會唔會旺場啲？希望佢哋撐得住啦，下次經過一定要再encore試埋其他芋泥系列！不過唯一嘅小缺點是位置比較偏僻，如果不是特別留意很容易錯過！真心希望咁用心的小店可以長久經營，下次有機會經過絕對會再試試其他芋泥甜點！

好溫馨嘅甜品小店，簡單裝修，兩位叔叔姨姨都非常友善。甜品全部同芋泥有關，開頭諗「吓？咁單一」，食落覺得真係做得好，難怪有自信。 ✦ 芒果芋泥冰芒果份量多、香滑。芋泥好重料、真係香濃又飽肚。冰底做得好好，綿滑細膩。 ✦ 芋泥綿綿冰姨姨介紹嘅 off-menu。真係做得好綿滑、芋泥味香濃，texture上完全冇食緊冰嘅刺激感。再加埋芋圓、丸子、爆珠等，口感豐富。 ✦ 芋泥丸子蛋撻最有驚喜嘅一個，香滑蛋撻上有一大層香濃、重料芋泥，on top 仲有兩粒大丸子(個味似湯丸皮，煙韌香口), 再 on top 有層芋泥漿。一啖咬落去，口感豐富，味道多層次。非常推薦。

試過坊間大大小小嘅甜品鋪，芋泥通常只係配角，就算甜品主角係芋泥，都硬係會加啲其他嘢，對於鐘意食芋泥嘅人嚟講會覺得唔夠滿足。今日第一次試糖町，叫左個芋泥撈芋泥。呢個係全碗都係粉紫色，全碗都係芋泥，上層係稀啲，下面係杰哦。一齊食個稀杰度啱啱好，甜度都啱啱好，份量足，食完真係好開心！美中不足係地點唔係好方便，喺啲比較少人位置，唔經過都唔知有間鋪係專食芋泥（其實經過都未必留意到）。我果日去就只有一枱客，唔知其他時段會唔會多人啲，希望佢維持到！下次經過會再去試其他芋泥甜品。

今次試咗間我覺得係「世一」嘅芋泥甜品鋪，真係名不虛傳！啲芋泥超級足料，每一啖都食到濃濃嘅芋頭香，而且甜度啱啱好，唔會太膩，食完完全冇罪惡感 🤩🤩🤩除咗之前喺台灣食過咁足料嘅芋泥之外，真係冇諗過喺香港都搵到，實在太驚喜🥰🥰🥰鋪頭嘅裝修都好有心思，全間鋪都用紫色做主調，浪漫得來又好貼合鋪頭個名，打卡一流！仲要讚吓啲職員，態度超級好，笑容滿面，令人食得更加開心。如果你係芋泥控，呢間絕對係必試之選！

本身鍾意食芋泥竟然俾我見到一間專門食芋泥甜品喺門口睇咗一陣，其實佢個餐牌嘅芋泥甜品都唔係好明白係乜但係都決定一試！叫咗一個芋泥麻糬同埋芋泥奶酪兩個人食兩碗，的確好厚實好飽芋泥唔錯，但係加麻糬因為麻糬唔係好厚身，所以好似成碗都係芋泥咁，另外奶酪都唔錯，芋泥奶酪幾好食，整體裝潢全粉紫色並不現代，但係芋泥的確唔錯

同男朋友都中意食芋頭theme嘅嘢食，見到有間新開芋泥主題甜品，bookmark咗之後終於有機會試！😆睇落新開，環境唔錯舒服。用QR code落單，張單夠$80蚊送一張coupon下次送蛋撻~芋泥抹茶奶磚腦袋杯 $46問老闆，腦袋其實係一層奶蓋！芋泥都好多，食到好多芋頭粒😍抹茶奶磚都幾濃抹茶味~面頭仲滲咗好多芋頭粉，整體口感好豐富荔浦芋泥乳 $36叫咗杯簡單嘅芋泥牛奶☺️好多好多芋泥~牛奶應該都用咗原味成件事好好味，芋泥好新鮮同口感好夠！同男朋友都有意欲再去過！去嘅時候係星期日黃昏，近乎包場，希望多啲人知道佢地！

少有嘅芋頭主題糖水舖 20幾蚊有奶凍食又冇加一芋泥食得出芋頭粒而唔係啲化學Mousse小驚喜利申 叫左芋泥茉莉龍珠奶凍, 芋泥茉莉奶凍腦袋杯, 蜜桃檸檬茶蜜桃檸檬茶對於我黎講有啲甜 建議叫少甜 味道方面唔差 同市面嘅香水檸檬茶差唔多A rare taro-themed dessert shop that you can have a custard with only HKD2x. Tbh, it’s a little bit surprise to have some real taro grains inside the taro puree instead of some kind of chemical taro-flavoured mousse.PS I have ordered taro puree jasmine dragon ball milk jelly, taro puree jasmine milk jelly head cup, and a peach lemon teaThe peach lemon tea is a little bit too sweet