康瑞甜品

營業中

休息中

自從係台灣食過芋圓後就念念不忘，但係香港食到的芋圓質素始終麻麻地。聽聞康瑞的芋圓好出名，所以決定試下。八點幾黎到已經坐滿哂人，好在排隊都唔係等好耐。第一次食發現原來康瑞的糖水款式唔算好多但價錢平，配埋芋圓、地瓜圓同小丸子都唔駛$30，好抵食。今次叫左個西米露試下，西米露正正常常唔會好甜，幾好食，入面啲芋圓、地瓜圓、小丸子的份量都好多。芋圓食落真係有芋頭味，幾驚喜，但我覺得整體上芋圓同地瓜圓都偏軟左少少，口感差啲，不過都算係我係香港食過最好食的芋圓。