康瑞甜品

營業中

休息中

每次一講話要食芋圓，都會諗起康瑞涼茶。呢間由中醫涼茶舖演變而成嘅芋圓糖水舖，晚晚都一樣咁多人。我最鍾意嘅係呢度嘅仙草芋圓，有滑溜嘅仙草，加上地瓜圓同芋圓，兩者都非常有咬口，口感煙韌。而且味道亦都唔會人工，地瓜圓有番薯香，芋圓亦有淡淡芋頭味道。加埋椰汁同仙草，有唔同嘅口感層次，味道亦都十分豐富。另一款仙草芋圓會加紅豆，有自然嘅紅豆香甜味，令甜品有如畫龍點睛，可謂一絕。另外仲有薑汁蛋花芋圓、桂花酒釀芋圓等等，試過咁多種之後，我都係鍾情於最原始嘅椰汁仙草芋圓。