影片
更多
2025-03-10
1639 瀏覽
因為想食signature dishes ,所以無叫set，但set好似抵食啲。一叫完嘢食就送上熱辣辣，外脆內軟的蒜蓉包。味道其實沒有好蒜蓉味，但係佢嗰種熱嘅溫度，外脆內軟嘅質感，真係冇得彈。最出色—我覺得係signature 蟹餅，完全食得出香味同鮮味。佢冇用太多嘅調味，但係一上到枱就已經聞到香噴噴，食嘅時候都忍唔住聞咗好多次。佢外層酥脆，入面一絲絲蟹肉，加上香草，唔係好多肉汁，但係都食到一點蟹肉鮮甜味。Steak我地揀左signature韓牛，韓牛出名肉質好，呢塊無論血水、肉質及肉汁都好好。waiter哥哥係我哋叫嘅時候特登提我哋叫medium rare，因為呢塊牛比較薄。但我覺得炭火味濃左啲，有人覺得佢賣相差咗啲。因為韓牛價錢較高，但認為物有所值。佢有好多種醬可以揀，我地就揀左MUSHROOM RAGOUT，味道濃好惹味。叫左個side松露薯條調味非常到位，松露既香味同薯條既酥脆好夾，質地口感都好好，細細條好酥脆但又有薯仔味。配菜嚟講我覺得份量好大，絕對值得一試！Apple Crumble 都係熱辣辣，肉桂味濃，蘋果酸甜適中。口感鬆脆加上蘋果口感無敵好，竟然用軟雪糕配襯，軟雪糕
因為想食signature dishes ,所以無叫set，但set好似抵食啲。
一叫完嘢食就送上熱辣辣，外脆內軟的蒜蓉包。味道其實沒有好蒜蓉味，但係佢嗰種熱嘅溫度，外脆內軟嘅質感，真係冇得彈。
最出色—我覺得係signature 蟹餅，完全食得出香味同鮮味。佢冇用太多嘅調味，但係一上到枱就已經聞到香噴噴，食嘅時候都忍唔住聞咗好多次。佢外層酥脆，入面一絲絲蟹肉，加上香草，唔係好多肉汁，但係都食到一點蟹肉鮮甜味。
Steak我地揀左signature韓牛，韓牛出名肉質好，呢塊無論血水、肉質及肉汁都好好。waiter哥哥係我哋叫嘅時候特登提我哋叫medium rare，因為呢塊牛比較薄。但我覺得炭火味濃左啲，有人覺得佢賣相差咗啲。因為韓牛價錢較高，但認為物有所值。佢有好多種醬可以揀，我地就揀左MUSHROOM RAGOUT，味道濃好惹味。
叫左個side松露薯條調味非常到位，松露既香味同薯條既酥脆好夾，質地口感都好好，細細條好酥脆但又有薯仔味。配菜嚟講我覺得份量好大，絕對值得一試！
Apple Crumble 都係熱辣辣，肉桂味濃，蘋果酸甜適中。口感鬆脆加上蘋果口感無敵好，竟然用軟雪糕配襯，軟雪糕有雲呢拿及奶香，但係我都比較鍾意用硬雪糕襯Apple Crumble。
Grand Hyatt服務不嬲都非常好，上次食中菜都已經感受到，Steakhouse員工態度友善，能迅速滿足你既需求，無論係影相定係碟既熱度。餐廳典雅高檔，作為慶祝場合十分理想。
張貼
