Bochord

為慶祝母親大人生日，特意揀咗呢間位於銅鑼灣鬧市嘅高級西餐廳。一入到去已經感覺到個氣派係一流，環境氣氛景觀都非常好，窗外係望到尖沙咀嘅景色，景觀頗為開陽，現場有live Band演出，如果有人慶祝生日係會行過嚟唱生日歌，而員工嘅服務態度好好，非常友善。美中不足嘅地方係燈光光稍微暗咗啲，有機會影響影相效果，另外要挑剔嘅就係個廁所係非常之地滑，唔小心有機會跣親，要小心。我哋係食用 tasting menu，要預先比 deposit，成個 menu 有7道菜同甜品 (詳情請參考我附送嘅Menu相)。七道菜係包括北海道鮑魚、海參、鵝肝、魚子醬、西冷扒等等著名西式及海鮮佳餚，詳情可以參考我附送嘅食物相。簡單啲嚟講每一道菜嘅水準都係非常非常高，色香味俱全，份量剛剛好。最後三個人係食咗接近$5000 ，都幾貴，不過令母親大人開心都係值得嘅。