星記海鮮飯店 (一號廣場)

營業中

休息中

朋友生日設宴中環星記，良朋歡聚全包宴，事隔幾星期，講返起大家繼續讚，反應熱烈便分享一下。 三寶併盤 － 九肚魚、鮮魷、燒汁茄子。 先來小食作前菜，炸嘢幾味，香口而不油，旋風式食完 湯 － 杏汁花膠燉白膠肺 兩大窩燉湯，足料有火喉，每人有兩大碗。 翡翠百合炒鮮鮑角 － 鮑角即是鮑魚碎上，呢碟一般。 豉油皇中蝦 － 呢味係星記名物，蝦夠大隻、新鮮，好食。 蒸花尾球頭腩 － 一邊清蒸、一邊加蒜茸粉絲，好大碟，原本他們建議苦瓜炆，不過我改咗，因為我唔食苦瓜，負責寫菜就有呢個好處，哈哈。 生炒骨，又係名物，新鮮肉排，肥瘦適中，唔乾，好味。 輝哥煎咸雞，又係招牌菜，煎完再焗，又香又 juicy。 另外，仲有梅菜蒸菜芯、炒飯、甜品。 一場來到，同場追加煎藕餅和柚皮，藕餅比柚皮出色。 以上一席16人，不計後加的藕餅和柚皮，＄6000 全包，即是加一，茶介全免，後來加多一人，多幾舊水，你話抵唔抵？我就話好抵，而且仲有房坐，免開瓶，仲想點先？下次有人生日，一於再去啦。