星記海鮮飯店 (一號廣場)

營業中

休息中

世姪女生日，慶生宴選在星記海鮮飯店，因為她近來公私兩忙，所以選一間較近她工作地點的飯店用膳。待應姐姐很熱情，稱這裏有八大王牌菜式，因此便從她推薦的菜式中揀選了幾款餸菜。大尾魷肥大肉厚，很適合椒鹽烹調，包裹大尾魷的漿粉很薄，不愧為王牌菜式。蓮藕餅也是王牌菜式，可是藕餅有點乾，尤其是它的外皮，調味也未見出色，影響整體感覺。生炒骨冠以馳名之名，當然也是王牌菜弍，生炒骨脆漿很脆，排骨也鬆化，最欣賞的是糖醋汁的份量剛好不會令金黃酥脆的生炒骨軟化。魚頭雲的調味豐富，調味配料十足，可是魚頭的鮮度一般，令點這道菜的閨蜜興奮度大減。鹹雞名符其實是鹹味先行，雞件的大小恰當，煎得也很乾身，香料的氣味也充足，可是雞味則一般。鮮腐竹非常硬，明顯是其他食材烹調完成才後加進去，令整個菜式失色不少。鶴藪白菜鮮嫩有菜味，白菜吸收了以鹹蛋和皮蛋煮成的湯汁更見咸香，只是鹹蛋的黃油略少，不然味道必定更佳。炒麵即叫即炒，麪條爽口，豉油香四溢，與爽口的銀芽搭配一起，口感超級棒。雪耳糖水甜蜜潤喉，老少皆宜。

因為屋企人鐘意食中菜，近年來都試左唔少酒樓，星記算係云云中菜廳入面非常出色既一間。平日同屋企人/朋友都會簡係下就黎，午市套餐百幾一款，包湯同糖水，小菜款式都唔少。我最鐘意既就係喱到個生炒骨同埋魷魚菜式。生炒骨的肉質鮮嫩，外焦內嫩，宜家都唔係好多餐廳可以keep到個咁好既水準。而喱到既魷魚都係非常出色，好新鮮，特別係有機會餐牌有芥末龍鬚既時候一定要試下，好鐘意個種辛辣感同魷魚鬚既配搭，創新得黎好好味。雖然喱到係冇點心選擇，但小菜質素出色，價錢同中上茶樓相若，服務質素有過之而無不及，係我非常鐘意既一間餐廳。

椒鹽大尾魷 $218依個最有驚喜雖然賣相一般般 但鮮魷好厚肉 質感好彈牙加埋椒鹽 好惹味馳名風梨生炒骨 $138外面香脆內裏鬆化 仲ho juicy味道酸甜適中 不愧係馳名 啪完一粒又一粒蟹皇蟹肉龍鬚粉絲煲 $108無諗過$108會有大煲而且相當足料 啖啖都有魷魚鬚惹味得嚟仲好鮮 巧巧sik~~濃湯胡椒豬手娃娃菜 $108豬手多過娃娃菜 仲有啲細細粒嘅餃子肉多過菜 表示開心的豬手嘅胡椒味幾香 口感幾爽 一啲都唔會膩黑椒煎牛仔骨 $218正常牛仔骨咁啦 $218就不了🫣輝哥煎咸雞 (半隻) $268 🐣依個就一般般啦又無話好香/好有雞味 係一碟好普通嘅雞🤔蒜子火腩炆白鱔煲 $138火腩炆得好淋好入味白鱔就還可以 唔夠肥美🫢家鄉生煎蓮藕餅 (8件) $178好大片嘅藕餅 味道就正正常常啦砂鍋瑤柱桂花炒飯 $188

提早兩星期預約，食物質素真的名不虛傳，海鮮也夠新鮮。首先的炒蟶子王真的很入味，花膠雞湯非常足料，很好喝。菠蘿咕嚕肉外脆內軟，有拔絲效果，又靚又出色。駛名炸子雞也很香脆，總括來說食物美味值得再訪。

呢間星記係朋友推介，話食完再encore左幾次，所以生日飯就同屋企人黎試下😆原來佢由2016年起連續8年拎到米芝蓮必比登美食推介，環境就一般，但係都係坐得舒適同埋啲服務都好好😌👍🏼佢嘅燉湯要早一日預訂，所以今次就試唔到😿食物選擇超多，一般中菜有嘅佢都有😽不過今次緊係試曬佢啲招牌菜😆🔻⭐️馳名鳳梨生炒骨 $188/例⭐️輝哥煎咸雞 $230/半隻⭐️椒鹽大美魷 $178/例⭐️豉油皇銀芽炒麵 $128/碟✨家鄉生煎蓮藕餅 $248/8件✨腿茸蠔汁扒琵琶豆腐 $158/例✨土魷蒸鮮肉餅 $168/例✨祝壽喜蟠桃 半打$108🔻太多餸唔逐一介紹，但係⭐️果啲係必食🤣🤣真係樣樣都好出色，尤其係煎咸雞同鮮魷屋企人食到讚不絕口😄👍最後仲有糖水添😃其實價錢都唔算好貴，性價比又高，真係唔錯👍

米芝蓮？試試佢😎午市唔算多人，可能因為平日，都係七成入座率。午餐叫餸食飯都算ok抵食，有湯同糖水送一叫完餸就上個例湯，今日係青紅蘿蔔湯然後主菜陸陸續續上枱金沙年糕大蝦🍤個金沙都整得幾入味，年糕都煙煙韌韌嘅好食，蝦球正常發揮栗子芋頭炆雞～味道偏鹹少少，如果送飯都 OK。芋頭夠鬆化，栗子都好腍，雞肉都炆得幾入味楊州炒飯呢個招牌生炒骨都幾好味唔係罐頭菠蘿，個汁大甜大酸夠晒惹味！雞粒炸到外面鬆脆入面都唔會好乾，唔錯👍🏻食到最後仲有個雪耳糖水，天氣涼返少少，飲番個糖水都幾滋潤，不過味道偏甜，但係唔甜又點叫糖水呢🤣🤣🤣

一早已經訂左位，因為得知佢嘅炸子雞需要提前預訂，未夠7點入座，已經差唔多滿座，睇嚟米芝蓮呢個牌頭係幾有影響力。除左炸子雞，我地仲叫左個例湯，例湯每日都會唔同款，即使例湯佢湯料都好足，另外仲有燉湯但都係要提前預訂，仲叫左聖子皇，頭抽煎焗大虎蝦，三蔬銀芽煎脆米，馳名鳳梨生炒骨，豆腐煲。炸子雞係真係名不虛傳，皮脆肉嫩，呢個值得預訂，而聖子皇都係當晚比較印象深刻嘅餐點，大蝦亦都煎得好入味。餐廳職員仲好熱情同埋好快手幫我地換碟執枱，值得一讚。

呢間中餐廳喺前門擁有一個令人印象深刻嘅九個米芝蓮牌，自然令人有期望。不過，我最近嘅午餐經歷令我有啲失望。我哋叫咗精選簡單嘅炒菜。生炒骨肉好享受，醬汁好厚，唔會黐住我牙齒。不過，佢哋稱之為生炒骨，我覺得呢個係冇做到嘅。我聽過係佢哋嘅招牌菜，但係一試就發現唔係生炒嘅。由於係事先炸過，所以只可以叫咕嚕肉，結果係豬肉方缺乏多汁，質地有啲粗糙。另一方面，魚係OK嘅。魚好嫩，而附帶嘅蔬菜亦都好脆，提供咗個好嘅平衡。可惜嘅係，苦瓜菜失敗咗；佢已經焯水咗太耐，令到佢濕濕地，亦都缺乏預期嘅咬口。鮑魚配帶子都算唔錯，我喺嗰度冇乜怨言。至於服務同衛生方面，佢哋係典型嘅老式中餐廳 —— 冇乜特別值得留意。總括嚟講，呢個體驗並唔符合一間獲得九次米芝蓮推介嘅餐廳嘅預期標準。我喺食到一半先發現呢間餐廳已經被太興集團收購咗，雖然原老闆仲係做緊顧問。可能呢個轉變影響咗食物嘅質素同一致性。雖然呢間餐廳有名氣，但係我嘅參觀並冇令我感到驚嘆或者渴望返嚟。

垃圾餐廳難食師傅去廁所唔洗手食物遲到部長粗口對待食物凍的而且最重要超貴以後不會去請都唔會去仲有衛生問題嚴重有老鼠小強坐位迫冷氣壞去衛生署投訴經理黑面神以後不光顧

閨蜜生日飯因天雨關係一改再改，終於約定日子到來，可惜燉湯要預訂，唯有比一個完美藉口再來飲燉湯😁😁未到七點已經差不多滿座了，walk-in多數無得食，第一次來這間米之蓮中菜代表，環境乾淨舒服，服務員樂意推介菜式。花膠螺頭煲雞～湯料十足、金華火腿好甘香、花膠好滑，湯水黏嘴椒鹽大尾魷～好新鮮，好厚身，好軟嫩，同啤酒絕配蒜蓉粉絲蒸北寄貝～新鮮，惹味輝哥煎咸雞～咸香豉蒜炒雷公涼瓜片～好香豆豉味，雷公鑿甘香厚身，選料好重要馳名鳳梨生炒⻣～酸甜好和諧

🍚星記海鮮飯店🍚作為米芝蓮中菜，同朋友嚟食，完全冇失望✨每一樣嘢都好好味，但係就覺得侍應有啲hard Sell😂🙏🏻呢間餐廳成日都好full，記得一定要預約呀! ————————————————覺得好好食嘅有:❆ 輝哥煎鹹雞 $230❆ 金榜醬四季豆安格斯 $238❆ 馳名鳳梨生炒骨 $188❆ 椒鹽大尾魷 $178❆ 魚香茄子煲 $138❆ 砂鍋金華四寶炒飯 $188❆ 雜菌紅燒豆腐煲 $138❆ 赤小豆粉葛豬骨湯❆ 番薯糖水 餐廳仲有免費開瓶費free corkage!鍾意飲酒嘅點可以錯過!!🍾 難得同一大班朋友食飯，餐廳啲侍應仲好好人咁樣俾我哋一路飲酒一路坐好耐, 係一個好好嘅用餐體驗🫶🏻————————————————整體:✦ 價格: 4.1/5✦ 味道: 4.5/5✦ 服務: 4.0/5✦ 環境: 4.0/5✦ 再訪指數: 4.1/5

香港有好多好食，有心做落去嘅餐廳，星記就係我心水嘅其中之一耐唔耐就會諗起星記，家常菜得黎味道又唔尋常，最難得係咁多年都keep住個水準，每次都必定會encore招牌鳳梨生炒骨、椒鹽大美魷拔絲般嘅生炒骨，傾完一輪偈再食依然脆口肉嫩 ，唔怕佢走樣一碟厚肉到遠睇似足年糕咁嘅椒鹽大美魷，無魷魚鬚俾你，只有大大嘅肉身，好食到我encore 到下世紀唔油膩嘅煎藕餅新鮮唔過火嘅龍蝦伊麵，龍蝦熟得啱啱好，係個伊麵淋咗啲梅菜肉鬆蒸菜心，呢個名咁得意，叫嚟試吓，又幾啱送飯唔記得介紹返夠晒火候嘅是日例湯赤小豆粉葛紅蘿蔔豬肉湯，湯渣另上（冇影到相添）

We brought our artists and crew here for a celebration dinner, it's Sunday night but the restaurant was surprisingly not packed. Our team of 14 was comfortably seated and the table was under one of the brass chandeliers at the room corner. Reservation is recommended if you would like to try the famous crispy fried chicken. The deep fried skin was ultra thin and the chicken meat was tenderly succulent. Two other signature dishes mentioned by the staff: sweet and sour pork with pineapple, and soy

同同事一齊諗吓中午食啲乜，決定食呢間星記海鮮飯店。我覺得佢餐牌中午嚟講呢都算係差唔多價錢啦，都算係中嘅。咁我哋就嗌咗一個炒飯啦，咕嚕肉，同埋呢個嘅椒鹽鮮魷咁樣我哋四個人share一個飯咁每人大概$100左右。個咕嚕肉同埋個肉餅都唔差嘅咁個炒飯都還可以啦。我見到隔籬位嗰啲食海鮮啊海鮮蝦都好似好正，下次一定要再試過！

上次試過食一次午餐，一直希望食晚餐，同朋友去中環食飯，呢度好full 㗎，一早就book咗呢間中菜🥢，仲可以預訂菜單📝菜單：🔸馳名鳳梨🍍生炒骨 生炒骨炸得酥脆，鳳梨🍍有甜又多汁，加埋個酸酸甜甜嘅醬汁，好開胃😍🔸杏汁花膠燉豬肺🥣 養顏湯水，個湯超足料呀！侍應會把好多湯料盛在碟讓客人享用，杏汁味非常香濃，花膠口肉彈牙，仲有好多雞腳同豬展，食湯料都可以食飽😅🔸薑葱炒膏蟹🦀好大隻蟹，啖啖厚肉蟹膏，薑葱炒得好有火喉，好出色👍🏻🔸豉汁蒸鮮魚頭雲🐟 大大個鮮魚雲頭，好有肉，啖啖滑嘟嘟嘅魚雲，用豉汁蒸味道非常濃郁🔸脆皮炸子雞🐔 炸子雞啲皮炸到脆卜卜，但係裏面嘅肉依然保持多汁嫩滑🥰，入味得來又唔太鹹😊🔸薑汁炒芥蘭芥蘭又綠又嫩，清清地用薑汁炒已經好好味🔸壽包 🍑大大隻壽包，熱辣辣做甜品👍🏻🔸番薯🍠糖水冬天食返個糖水，夠晒滋潤