影片
更多
2019-07-05
554 瀏覽
FB飲食男女pop-up ad好介紹again--圓方餃子。深水埗美食多，本人都經常揸車去幫襯。圓方餃子已食超過1年，成為我例假午餐食堂。圓方店面頗大，有6-7張大圓枱，每張可以坐8-10人(如何大家唔擺袋阻住人入坐嘅話......)。傳統食肆擺設:筷子，匙羹，醬料放喺枱中間，較入位置冷氣尚算充足。行到最入面一張枱你會見到幾位女士密密手不停包餃，所有水餃都非常新鮮，老闆同老闆娘雖然已經將店交由少東營運，但係仍不時粉墨登場幫手包餃㗎。老闆開店多年一直以低下階層街坊應付能力為依歸，收費好大眾化。據聞子承父業接手期間，曾經為收費定位有過意見，最後阿仔被父親同老街坊情誼打動，繼續以親民價做生意，係現今香港少有嘅良心小店。我個人比較喜歡食西洋菜餃同雲吞，全店餃、麵類都配以魚湯，以淨湯餃為主，亦可加錢要麵底，用嘅係上海白幼麵，朋友食過好喜歡。餃子比例菜多肉少，清爽唔膩，食碗淨餃飲埋個魚湯，一般女士應該已經夠飽。韭菜餃非常受街坊歡迎，亦比西洋菜餃少咗季節性影響味道嘅問題。老闆為回饋街坊，星期一至五非公眾假期都設有下午茶時段，同墨魚丸河一齊優惠每碗只賣$20。墨魚丸河表現普通，但係下午茶$20/碗飽肚
圓方店面頗大，有6-7張大圓枱，每張可以坐8-10人(如何大家唔擺袋阻住人入坐嘅話......)。傳統食肆擺設:筷子，匙羹，醬料放喺枱中間，較入位置冷氣尚算充足。行到最入面一張枱你會見到幾位女士密密手不停包餃，所有水餃都非常新鮮，老闆同老闆娘雖然已經將店交由少東營運，但係仍不時粉墨登場幫手包餃㗎。
老闆開店多年一直以低下階層街坊應付能力為依歸，收費好大眾化。據聞子承父業接手期間，曾經為收費定位有過意見，最後阿仔被父親同老街坊情誼打動，繼續以親民價做生意，係現今香港少有嘅良心小店。
淨西洋菜餃
$28
8 瀏覽
0 讚好
0 留言
我個人比較喜歡食西洋菜餃同雲吞，全店餃、麵類都配以魚湯，以淨湯餃為主，亦可加錢要麵底，用嘅係上海白幼麵，朋友食過好喜歡。餃子比例菜多肉少，清爽唔膩，食碗淨餃飲埋個魚湯，一般女士應該已經夠飽。
淨韭菜餃
$28
8 瀏覽
0 讚好
0 留言
韭菜餃非常受街坊歡迎，亦比西洋菜餃少咗季節性影響味道嘅問題。老闆為回饋街坊，星期一至五非公眾假期都設有下午茶時段，同墨魚丸河一齊優惠每碗只賣$20。
墨魚丸河
$28
11 瀏覽
0 讚好
0 留言
墨魚丸河表現普通，但係下午茶$20/碗飽肚又抵食。
豬潤腸粉
17 瀏覽
0 讚好
0 留言
豬潤腸似乎唔係即叫即整，腸粉皮較厚亦唔太滑，豬潤碎，味道一般。
蝦米腸粉
12 瀏覽
0 讚好
0 留言
老公愛食蝦米湯，比豬潤腸滑，配上麻醬甜醬都幾好味。
店內有供應粥，粉，麵，蒸飯以應需求，值得一提煎韭菜餃香脆多汁，一碟3隻，叫上幾位朋友一齊share更好。
店內有生餃外賣，包括: 西洋菜餃，韭菜餃同雲吞(白菜豬肉)，一盒一打只賣$25。我一般食完會再打包4-6盒生餃返屋企冷凍(買生餃都成日要排隊㗎)，隨時攞1打出嚟加幾條菜就當一餐，水滾煮8-10分鐘就食得，方便快捷，而且同店裡食一樣好味，只係缺咗魚湯有少少失色。不過魚湯都可以加錢外賣啊～
帶過好多親戚朋友去食，得到大家一致好評。更係老公少有非常樂意經常陪我千里迢迢去食嘅食店。
少東話1年到晚只休初一至初三，定價唔高主要薄利多銷，所以唔多休息。假日基本都要排隊，我一般放閒日去食，但有時閒日都要排隊㗎。下午茶好似設於3-5點，會見到好多老人家、熟客同街坊去食。一間有良心有溫情嘅小店，喜歡食餃嘅唔好錯過!
張貼
