影片
更多
2022-12-02
4548 瀏覽
天氣開始凍，就係打邊爐既季節🤤 今晚約左朋友一齊去打邊爐🥳 因為大家番工既地區都好唔同，所以約左去沙田區，方便大家番屋企。餐廳係我揀的，本身以為咁隱蔽嘅地方無乜人知，但原來朋友仔都知道盛記呢間餐廳，亦講得出呢間良心小店每個月都會免費送湯麵俾公公婆婆同有需要既人🫶🏻我哋2日前決定食呢間既時候Openrice已經book唔到位，好彩直接打電話去都仲book到。食飯當日仲會打電話confirm我添👍🏻呢間餐廳只係小店既位置雖然有啲隔攝，但係個裝修真係幾特別。驟眼睇以為好亂，但其實亂中有序，而且每個角落都充滿驚喜，書、雜誌📚、鐘🕰️☎️、擺設🏺🪆咩都有😂 另外，呢度既店員服務態度&水平簡直一流，對客人好友善，最impressed到我既一幕係我其中一位朋友唔小心整跌左隻筷子🥢，我舉手想叫店員拎過一對新既過嚟的時候，店員過嚟既時候已經拎左一對新筷子俾我地🤩 佢話咁岩聽到我地跌咗喎👍🏻 真係無得頂！同埋我地由7點半坐到11點鋪頭關門，除左差唔多關門前叫我哋埋單之外，全程都無催我地走，真係聚會好地方。椒醬豉油 $54落左單之後，店員就會俾一盤配料俾我哋撈豉油，有辣椒、蔥、蒜、炸蒜可以揀。每人收費$18，我
呢間餐廳只係小店既位置雖然有啲隔攝，但係個裝修真係幾特別。驟眼睇以為好亂，但其實亂中有序，而且每個角落都充滿驚喜，書、雜誌📚、鐘🕰️☎️、擺設🏺🪆咩都有😂 另外，呢度既店員服務態度&水平簡直一流，對客人好友善，最impressed到我既一幕係我其中一位朋友唔小心整跌左隻筷子🥢，我舉手想叫店員拎過一對新既過嚟的時候，店員過嚟既時候已經拎左一對新筷子俾我地🤩 佢話咁岩聽到我地跌咗喎👍🏻 真係無得頂！同埋我地由7點半坐到11點鋪頭關門，除左差唔多關門前叫我哋埋單之外，全程都無催我地走，真係聚會好地方。
椒醬豉油 $54
落左單之後，店員就會俾一盤配料俾我哋撈豉油，有辣椒、蔥、蒜、炸蒜可以揀。每人收費$18，我地3個人就要$54🫢
椰子鮮雞鍋 (半隻) $198
湯底同雞係分開上的，所以我地先飲左碗椰子雞湯暖下身先。湯底除左椰子同紅棗之外，仲加左胡椒同薑去僻味，雞味都幾出。之後就倒埋碟雞一齊煲。朋友仲話計時8分鐘先好食😂
手切鮮肥牛 (大) $268
份量好多，牛肉好新鮮，油脂分布ok，唔會好肥。一塊牛唔會好大塊，碌兩下就食得。不過細細塊都係佢既缺點，咬兩啖就食完😂
盛記炸腐皮卷 $44
勁大舊好有空氣感的響鈴！咬落去好多層，而且腐皮炸到卜卜脆（聽講係即叫即炸）平時我食響鈴都係放係湯度2秒就撈番上黎，但呢個響鈴太大，到浸耐少少，但索埋椰子雞湯底，加埋佢既豆味幾香，好好味😋
老友鬼鬼釀油條 $88
一共有8件油炸鬼，每件都大大舊，上面分別包住蝦滑同墨魚滑，梅花間竹咁排列，打卡既話幾好睇😂 唔似出面既餐廳，呢碟「老友鬼鬼」上枱時已經係炸起左，可以就咁食，亦可以放落鍋度碌一碌再食。油炸鬼就咁食偏硬，我就中意碌淋少少再食😋
瑞士芝士蝦丸 $95
一共有9粒，我地3個人分，每人3粒唔洗争😆 用蝦滑包住d芝士，咬到中間係流心架🤩 加埋本身蝦滑既彈牙口感👍🏻
手打魚蛋 $45
同蝦丸一樣，共有9粒。白魚蛋外表白雪雪滑捋捋，口感超級彈牙！
白菜仔 $38
叫左咁多肉，又雞又牛又蝦，最後叫多左碟白菜仔，感覺健康啲🤏🏻
粉絲 $35
我飽到捧住個肚，但朋友唔夠食😂 所以叫多左碟粉絲，我就食唔落了😂😂😂
張貼
