影片
更多
2020-07-18
166 瀏覽
呢間麵檔係葵涌區經營超過十年，以「快」同「平」取勝。主力賣車仔麵同港式小食，配料都係傳統口味，自製辣汁更係最出名🌶員工更係超有人情味，疫情嚴重嘅時候，向市民免費派發口罩同漂白水😷💗孖寶車仔麵+花枝丸+黑椒牛丸+五香豬頸肉+咖哩魷魚+生菜($62)麵底揀咗撈米粉，淥得軟硬適中🍜當然要試下佢地嘅秘製汁，味道有d似沙嗲醬，甜甜辣辣咁，不過味道偏淡🤔所以一定要加辣菜脯，惹味程度大大提升，食落爽口微辣好醒胃。配料方面，豬頸肉炆得入味軟腍，肉質唔油膩🐷；咖喱魷魚口感爽脆有咬口，咖哩味香濃稠杰🥘；黑椒牛丸食落有少少肉汁，黑椒味濃🐮；花枝丸口感彈牙，仲有粒粒魷魚🐙；生菜新鮮翠綠🥬💗滷水拼盤($49)滷水汁果然係陳年熬咗好耐，香料味濃郁 ，夠哂鹹香甘甜😍雞腎薄切依然有咬口，不過口感偏硬，食落冇氨味🐤；雞翼大小適中，皮下脂肪少，滷水汁嘅甜味入哂內裡，肉質飽滿，嫩滑唔鞋口🐥；雞翼尖有番咁上下大隻，仲有肉可以啃下，而且唔會炆到腍哂🐔；雞腳肉質軟腍得嚟又充滿彈性，筋位超級爽口，富骨膠原，食完會黏口🦴；雞蛋滷得非常入味，蛋白完全唔硬好有彈性，蛋黃甘香鬆化🥚；豆腐預先炸過，所以口感較硬唔夠滑，反而似食緊炸豆乾。雖然
💗孖寶車仔麵+花枝丸+黑椒牛丸+五香豬頸肉+咖哩魷魚+生菜($62)
麵底揀咗撈米粉，淥得軟硬適中🍜當然要試下佢地嘅秘製汁，味道有d似沙嗲醬，甜甜辣辣咁，不過味道偏淡🤔所以一定要加辣菜脯，惹味程度大大提升，食落爽口微辣好醒胃。配料方面，豬頸肉炆得入味軟腍，肉質唔油膩🐷；咖喱魷魚口感爽脆有咬口，咖哩味香濃稠杰🥘；黑椒牛丸食落有少少肉汁，黑椒味濃🐮；花枝丸口感彈牙，仲有粒粒魷魚🐙；生菜新鮮翠綠🥬
三餸麵套餐
$46
17 瀏覽
0 讚好
0 留言
💗滷水拼盤($49)
滷水汁果然係陳年熬咗好耐，香料味濃郁 ，夠哂鹹香甘甜😍雞腎薄切依然有咬口，不過口感偏硬，食落冇氨味🐤；雞翼大小適中，皮下脂肪少，滷水汁嘅甜味入哂內裡，肉質飽滿，嫩滑唔鞋口🐥；雞翼尖有番咁上下大隻，仲有肉可以啃下，而且唔會炆到腍哂🐔；雞腳肉質軟腍得嚟又充滿彈性，筋位超級爽口，富骨膠原，食完會黏口🦴；雞蛋滷得非常入味，蛋白完全唔硬好有彈性，蛋黃甘香鬆化🥚；豆腐預先炸過，所以口感較硬唔夠滑，反而似食緊炸豆乾。雖然食到豆香，但吸汁力太勁，所以好鹹😳
滷水拼盤
$49
16 瀏覽
0 讚好
0 留言
💗墨魚條碗仔翅($24)
碗仔翅質地杰身，唔會搞兩搞就變哂水🍲芡汁打得夠均勻，飲落唔會一舊舊。味道唔會過鹹，啖啖麻油香。材料非常豐富，有雞絲🐣、爽口嘅黑木耳、大大塊嘅冬菇🍄同蛋花。平時我地叫「兩溝」都係落魚肉，呢度好特別可以揀墨魚條。一碗有成8條，口感結實有粒粒墨魚，不過有少少腥🦑
墨魚條碗仔翅
$24
16 瀏覽
0 讚好
0 留言
💗牛柏葉($10)
牛柏葉爽脆唔韌，食落冇雪味👍🏼
💗麻吉燒($12)
外層彈牙嘅炸魚蛋包住煙韌軟糯嘅麻糬，仲有少少半融化嘅口感🍢
麻吉燒
$12
17 瀏覽
0 讚好
0 留言
張貼
