影片
更多
2021-06-06
116 瀏覽
經過朋友多次推介，終於喺星期五晚同男朋友試試呢間令和鍋物酒場喇！朋友一向食開旺角分店，我哋今次就揀左尖沙咀厚福街比較新嘅分店😆我早兩日book位，book咗6點，店員話只要8點交返枱比佢哋就得，目測大約7點左右就開始多客喇。佢叫得鍋物酒場，當然有幾款唔同嘅鍋物揀，當中仲有一個堂煮壽喜燒我都覺得好吸引，不過今次一心為和牛石板燒而嚟，唯有下一次先試壽喜燒啦😋除左鍋物，佢仲有啲佐酒小食、刺身、爐端燒、揚物、一品料理等等，種類都唔少，下次要同多啲朋友嚟食，可以叫多幾款試吓😋一坐低嘅時候已經有一個前菜放咗喺枱面，係切咗片嘅番茄，都幾開胃😌男朋友最鍾意食牛舌，所以叫咗個佐酒小食嘅鹽焗牛舌($38)😚我哋都覺得啲牛舌好得意，佢切得好薄，細細塊咁，同我哋平時食開嘅串燒牛舌口感好唔同。雖然佢細細塊，但都有香濃嘅牛味，不過我嫌佢略乾咗少少，juicy啲就再正啲喇😚配埋個類似蜜糖芥末嘅汁醬嚟食，個味都好融合😋之後我地叫咗個師傅發板(二人刺身)($288)😛開頭有少少驚中伏，睇openrice又冇咩圖😂不過唔想慢慢諗單點刺身揀咩好，咁就試吓呢個唔洗煩😂佢個樣擺得都幾靚仔，啲刺身都好新鮮，有五款魚類，包括三文魚
我早兩日book位，book咗6點，店員話只要8點交返枱比佢哋就得，目測大約7點左右就開始多客喇。
佢叫得鍋物酒場，當然有幾款唔同嘅鍋物揀，當中仲有一個堂煮壽喜燒我都覺得好吸引，不過今次一心為和牛石板燒而嚟，唯有下一次先試壽喜燒啦😋除左鍋物，佢仲有啲佐酒小食、刺身、爐端燒、揚物、一品料理等等，種類都唔少，下次要同多啲朋友嚟食，可以叫多幾款試吓😋
一坐低嘅時候已經有一個前菜放咗喺枱面，係切咗片嘅番茄，都幾開胃😌
男朋友最鍾意食牛舌，所以叫咗個佐酒小食嘅鹽焗牛舌($38)😚我哋都覺得啲牛舌好得意，佢切得好薄，細細塊咁，同我哋平時食開嘅串燒牛舌口感好唔同。雖然佢細細塊，但都有香濃嘅牛味，不過我嫌佢略乾咗少少，juicy啲就再正啲喇😚配埋個類似蜜糖芥末嘅汁醬嚟食，個味都好融合😋
鹽焗牛舌
$38
5 瀏覽
0 讚好
0 留言
之後我地叫咗個師傅發板(二人刺身)($288)😛開頭有少少驚中伏，睇openrice又冇咩圖😂不過唔想慢慢諗單點刺身揀咩好，咁就試吓呢個唔洗煩😂佢個樣擺得都幾靚仔，啲刺身都好新鮮，有五款魚類，包括三文魚、油甘魚、劍魚、仲有兩款我哋唔知叫咩名嘅魚🤣油甘魚同劍魚嘅油脂都幾豐富，而右手邊嘅果款魚我同男朋友都覺得好好食，佢肉質係好爽彈果種，仲要好濃魚味😋貝類就有八爪魚同埋帆立貝，帆立貝依舊係我哋嘅最愛😋當然仲有赤蝦，有膏，而且都算鮮甜🦐
師傅發板(二人刺身)
$288
15 瀏覽
0 讚好
0 留言
之後就係今日嘅重頭戲！和牛石板燒😋😋佢有唔同嘅肉同重量可以比你揀，我哋就揀咗日本A4和牛200g($268)🥩佢哋會有職員幫手燒，只要講想要幾成熟就ok喇☺️不過燒嘅過程會超級彈油，著白色衫就要小心啲😂
和牛石板燒
$268
5 瀏覽
0 讚好
0 留言
燒完之後職員會將牛肉放返上碟，配埋少少沙律菜😋個顏色真係好吸引，燒得啱啱好！一入口果陣油脂感爆發哂出嚟，我哋都覺得好好味，略嫌呢幾舊有少少筋位，扣咗少少分🤣但整體嚟講我哋都好滿意，一人有三大舊，油脂豐富到食完真係有啲滯😂
和牛石板燒
$268
6 瀏覽
0 讚好
0 留言
我哋亦都叫咗杯菠蘿乳酸梳打($33)🍹我覺得菠蘿味相對突出過乳酸味，亦都唔會太甜，啱啱好中和返和牛嘅油脂😋
埋單嘅時候原來食物有8折，所以我哋埋單係$571，食得好滿足好開心😋
張貼
