影片
更多
2021-01-26
651 瀏覽
🍶埔里花雕半筋半肉配手工寬麵 - $80🌶️麻辣半筋半肉配手工寬麵 - $78（以上皆附酸菜、油條、是日小菜）🍋翡翠檸檬綠茶- $26經過咁多次，終於有機會食到現場🥰上兩次都係幫同事拎外賣（我認我係無聊得制😂）同真係路過，今次同朋友下晝三點半上去就唔洗排到樓梯企滿人，不過就冇咗lunch set😂呢度全程用QR Code落單，有特別要求（走青，嘢飲甜度冰塊呢啲）都可以喺落單嗰時打埋📱今次我同朋友都嗌咗外賣冇得叫嘅手打寬麵，不過食嗰時有少少少少痴埋一舊😖但唔嚴重嘅，不過啲麵都索到湯汁，食落口感都好順滑😋🍜湯底方面，我嘅花雕牛肉麵一上已經聞到好有酒香，本身都唔太好紅燒湯底，但難得食完成碗都唔太油膩，好香👍🏻朋友嘅麻辣湯底都話整得夠麻夠辣，我就冇試到（但我係清湯派，唔知遲啲會唔會出呢🙈）🐮牛肉方面，我哋都揀咗半筋半肉係希望兩樣都試到，牛肋條同牛筋都炆得好稔好入味，而且份量都比唔少，絕對對得住呢個價錢💛🥤嘢飲方面，我嗌咗走甜，個檸檬味係幾出嘅，唔會特別酸，飲落非常有台灣味🇹🇼不過朋友話佢杯珍珠奶茶（冇影）啲黑糖珍珠痴埋一舊😂鋪頭入面都幾多打卡位，大家可以趁平日少啲人嘅時候嚟影下相📷其實灣仔嘅台式
🌶️麻辣半筋半肉配手工寬麵 - $78
（以上皆附酸菜、油條、是日小菜）
🍋翡翠檸檬綠茶- $26
經過咁多次，終於有機會食到現場🥰
上兩次都係幫同事拎外賣（我認我係無聊得制😂）同真係路過，今次同朋友下晝三點半上去就唔洗排到樓梯企滿人，不過就冇咗lunch set😂
呢度全程用QR Code落單，有特別要求（走青，嘢飲甜度冰塊呢啲）都可以喺落單嗰時打埋📱
今次我同朋友都嗌咗外賣冇得叫嘅手打寬麵，不過食嗰時有少少少少痴埋一舊😖但唔嚴重嘅，不過啲麵都索到湯汁，食落口感都好順滑😋
🍜湯底方面，我嘅花雕牛肉麵一上已經聞到好有酒香，本身都唔太好紅燒湯底，但難得食完成碗都唔太油膩，好香👍🏻
朋友嘅麻辣湯底都話整得夠麻夠辣，我就冇試到
（但我係清湯派，唔知遲啲會唔會出呢🙈）
🐮牛肉方面，我哋都揀咗半筋半肉係希望兩樣都試到，牛肋條同牛筋都炆得好稔好入味，而且份量都比唔少，絕對對得住呢個價錢💛
🥤嘢飲方面，我嗌咗走甜，個檸檬味係幾出嘅，唔會特別酸，飲落非常有台灣味🇹🇼不過朋友話佢杯珍珠奶茶（冇影）啲黑糖珍珠痴埋一舊😂
鋪頭入面都幾多打卡位，大家可以趁平日少啲人嘅時候嚟影下相📷
其實灣仔嘅台式牛肉麵兼整得好食嘅真係唔多，大家嚟到附近想食嘅話，呢度都係一個唔錯嘅選擇嚟🥰
張貼
