阿叔泰麵 (積信街) (已結業)

天氣咁熱，就諗起泰國船麵 行過大圍，就試下呢間阿叔泰麵， 因為假期嘅關係 都等咗十零分鐘至入到去坐我叫咗一碗牛肉船麵，牛有三舊，大細適中， 入味夠諗， 用牛骨製成牛湯底， 令到湯底有滿滿嘅牛肉香，六十蚊一碗船麵嚟講我覺得個份量比我預期中少左啲啲， 麵底唔夠。野飲方面試左泰式奶茶同咖啡，咖啡濃香飲落有少少朱古力味,好飲。但反觀奶茶對我黎講真係太甜了，我要等啲冰溶咁半我先飲到😅😅最驚喜既係甜品榴槤炸彈，面層煙煙韌好似食緊糯米糍咁，而且炸得好香口😋咬開見到滿滿榴蓮餡，香氣四散，正到冇朋友，鐘意食榴槤既一定滿足到❤️❤️