孖啡 (已結業)

自從上次去左舒適嘅上樓餐廳，今日再上網睇吓仲有冇，所以上網搵呢間旺角上樓餐廳。都好舒服，唔會俾人趕走，可以同朋友輕鬆傾吓偈。我地叫左一份全日早餐，一份三文魚意大利烘包配薯條。另外+28要龍蝦湯。一柸凍Latte, 一柸熱香桃綠茶。驚喜嘅，估唔到龍蝦湯好好味，加忌廉，龍蝦味好濃郁，熱辣辣。我叫全日早餐，好大份，有炒蛋，茄汁豆，煙三文魚，薯餅，牛角包，香腸同沙律。食晒都非常飽。我最鍾意牛角包，因為好香脆。朋友叫三文魚意大利烘包配薯條，佢話三文魚好香，麵包都烘得好脆。食物唔算係頂級，不過環境舒適，可以坐喺度傾吓偈，另外仲見到有board game玩，係一個好地方。下次會試吓個晚餐。😋Yummy Yummy: 9/10😋