Owens (砵蘭街)

營業中

休息中

兩個女仔傾下計食下野呢間café 都係一個唔錯嘅選擇。店舖明亮簡潔，長方形嘅鋪面唔大，但都坐得舒服。一個Dinner Set ，再加個巴拿馬火腿哈蜜瓜沙律同水牛城雞翼，啱啱好。火腿同哈蜜瓜各4件，兩個人食剛好每人可以食到兩次，味道唔差。火腿係新腿，唔會好乾，哈蜜瓜都幾甜，冇其他醬汁。雞翼上嘅醬汁都幾多，唔會好辣，整體味道唔錯。肉醬千層麵上面有厚厚嘅芝士，好香。層數唔多，都係三四層。上層係肉醬，底層驚現以茄子為主嘅一層。個人還可以接受，仲覺得咁樣唔會好膩。但唔係咁鐘意食茄子嘅朋友就建議食其他啦。佢自家製嘅伯爵茶麻薯蛋糕好好食！外面嘅蛋糕雖然似戚風蛋糕咁，但口感鬆軟，有淡淡茶香，中間嘅麻薯香滑軟棉。整體用餐感受唔錯，成個環境又唔會好嘈，同朋友慢慢咁傾下計。