Owens (砵蘭街)

每次經過 Owens 都好想去食，但總係食飽先見到依間，一於決定今日去食個lunch先～入去餐廳，地方雖然唔係好大，裝修帶歐陸風格，環境感覺悠閑，是舒適嘅用餐地方。睇睇餐牌先，午餐有多款選擇，包括紐西蘭頂級肉眼牛扒、美國BBQ醬手撕豬肉烤餅、泰式豬頸肉、燒羊架、全日早餐等，套餐包是日餐湯或沙律及飲品，餐湯升級法式蟹肉龍蝦湯+$38、特飲、小食同甜品。法式蟹肉龍蝦湯        (+$38)餐湯升級係法式蟹肉龍蝦湯，陣陣龍蝦味散發出來，非常香濃，口感幼滑，蟹肉鮮甜，真不錯。紐西蘭頂級肉眼牛扒          $132擺盤好吸引！牛扒都幾厚身，要左七成熟，火喉控制到啱啱好，入口juicy，肉質鮮嫩有咬口，外層烤至焦香，牛扒帶獨特嘅香烤氣味，令牛扒最原始嘅味道散發出來，沾上特製醬汁更滋味，配搭爽滑嘅意粉，好喜歡。香烤雞扒全日早餐            $98All Breakfast 食物種類豐富，包括有外脆內嫩嘅烤雞扒，肉味濃又爽脆法蘭克福腸，嫩滑炒蛋，爽口濃郁嘅烤啡菇，酸種法包脆口牛油香，沙律菜翠綠鮮爽，配埋微酸嘅黑醋汁更開胃，清甜烤蕃茄，每款食物好新鮮，多重口感享受。芝士/蒜蓉焗生蠔          (+$68)焗生蠔點左兩款口味，芝士及蒜蓉，焗蠔外面鋪滿蒜蓉，上碟時離遠已經聞到陣陣蒜蓉香，惹味十足。芝士焗蠔口感非常creamy，香濃芝士味又唔會搶左生蠔味道，帶鹹鮮味。每隻生蠔外形飽滿，入口鮮甜juicy，好美味。蜜糖柚子雞翼           (+$38)炸至金黃香脆，肉質嫩滑，配上蜜糖柚子醬汁，鹹鹹甜甜又好夾。伯爵茶麻糬提拉米蘇          (+$48)超鍾意伯爵茶嘅我，估唔到呢度連Tiramisu都有伯爵茶，面層有好多咖啡粉，香味濃郁，中間係麻糬，煙煙韌韌，蛋糕軟綿，伯爵茶忌廉口感輕盈，茶味及奶香濃郁，醇厚且層次豐富，令人無負擔享受天然美味。士多啤梨忌廉蛋糕          (+$28)蛋糕質地帶少少濕潤感，食落入口即溶，忌廉口感輕盈幼滑，士多啤梨香甜，令每一口都充滿甜蜜滋味。香茅生薑蜜，呢杯係凍，香茅同生薑很配，味道微辣，混合蜂蜜帶清甜，飲完好潤喉。凍檸檬茶，紅茶清香，解渴解膩。…查看更多

🍽️太子Owens人氣爆燈！午餐豐富精彩⭐️紐西蘭牛扒＋人氣甜品大滿足😋聚會推介，打卡靚位CP 值滿分真係近期太子區最火熱必搵美食呀！✨一入店就感受到暖笠笠氣氛，木系裝潢又時尚又舒服，打卡影相勁靚！無論同朋友聚會，定係一個人chill下都超啱～📸菜單選擇真多！甜品超有名，每款都好吸引，真係令人忍唔住全部想試晒。今日我份午餐都夠晒豐富：午餐套餐跟湯或沙律，再跟餐飲，仲可以加order人氣甜品，好爽！紐西蘭頂級肉眼牛扒配薯條同蔬菜，牛扒肉味濃郁，肉質juicy又有彈性，色香味同新鮮感全部爆晒燈，真係邪惡又好味！烤雞扒全日早餐，都好正！有齊烤雞扒、啡菇、法蘭克福腸、烤蕃茄、炒蛋、哈密瓜、酸種麵包、田園沙律，份量超足夠，食到好滿足～白酒煮蜆都唔可以錯過，蜆肉鮮甜，醬汁好鮮味，連湯都飲埋，好開胃！甜品就真係全店焦點：朱古力心太軟，外脆內流心，仲熱辣辣，加埋雪糕同忌廉，絕配😍。睇住朱古力慢慢流出嚟，簡直心動level💖！開心果Tiramisu,超豐富，滿滿開心果碎＋煙韌麻糬內餡，香濃唔膩，別具特色。伯爵茶蛋糕，蛋糕底鬆軟，忌廉唔會太膩，配埋香濃伯爵茶味同微微嘅橙香，清新又有層次。再配杯冰凍檸茶，整個lunch好完美！🧋無論係想搵地方食飯聚會定打卡影靚相，Owens都係太子必去！大家記得mark低，等你一齊嚟開餐！…查看更多

出去食親西餐一定要叫意粉，重點個意粉要勁多汁，依間餐廳煮嘅意粉完全合我心意，所以間中我就會約朋友黎依度食飯平日收工黎到好彩唔係等好耐，等左陣就入座，無論意粉或主菜，都會跟埋是日餐湯或沙律同野飲，另外加錢仲可以追加小食同甜品叫左個黑松露軟殼蟹意粉，軟殼蟹炸得幾酥脆，食落唔會覺得好油膩，每條意粉都掛左滿滿黑松露汁，意粉質感爽順彈牙，個汁夠濃郁，放左陣啲汁都唔會乾左，依然保持到個意粉好creamy，真心好食主菜叫左份美國安格斯肉眼牛扒五成熟，伴左薯仔粒同蕃茄仔，牛扒煎得幾香，肉質食落軟熟帶牛肉濃郁味，中間仲有少少血水，但食落某啲位帶少少筋，但可以接受，整體味道同煎得唔錯追加左個小食脆炸魷魚鬚，每條外層都有紫菜碎，個皮炸得幾薄脆，魷魚鬚夠哂肉厚煙靭，點他他醬食好夾，夠哂惹味香口餐茶叫左兩杯凍檸檬茶，食完主食飲完野就追加左甜品，分別加左伯爵茶麻糬提拉米蘇同朱古力麻糬蛋糕，個提拉米蘇混左伯爵茶香味，食落好軟滑，茶味好香濃，中間夾雜左軟糯麻薯，多左個口感更加豐富。朱古力麻糬蛋糕中間夾雜左軟滑忌廉同濃郁朱古力粒，仲有一粒粒麻薯夾雜喺中間配埋鬆軟蛋糕一齊食好正，甜品必叫…查看更多

今次約左個朋友出黎聚下食飯，大家都要湊仔，揀左方便大家去既太子食飯，佢揀左呢間西餐廳都開左一段時間食過話好食，所以想再黎食😄Set for two（$408）餐湯&沙律首先每人可以揀沙律或餐湯，沙律係胡麻醬沙律，餐湯就係忌廉湯，餐湯有少少杰，我自己鐘此胡麻醬，所以覺得揀沙律好 🥗🫕頭盤蜜糖柚子雞翼4隻蜜糖雞翼整得好香好食，個蜜糖包住雞翼表層好正，柚子味就唔算出，比較係裝飾功用🐥薯條三兄弟（+$38）佢係分開三袋既薯條，薯條新鮮炸出，提供唔同既醬比你點，基本既茄汁都有🍟西班牙海鮮意大利飯呢個海鮮飯既海鮮都係大大份佈滿個碟，有魷魚，蜆，青口同大蝦，魷魚新鮮唔韌咬得開，蜆同青口都係算大隻，亦都冇沙又好食，意大利飯係偏硬但未算好硬，煮得比較係適合香港人口味🦑🦐美國安格斯肉眼扒肉眼扒既肉質都幾靚，我地揀左7成熟，裡面仍然係粉紅色，都充滿肉汁，有兩款牛扒汁調味🥩餐飲藍莓乳酪（+$21）藍莓乳酪係特飲，跟餐半價就可以轉，佢個面有色彩繽紛既脆脆，好岩打卡，味道都好香濃既藍莓味，口感幼滑🥤熱檸檬柚子蜂蜜呢個就跟餐包埋，冇咩特別，正常熱飲一杯☕️甜品窩夫雪糕跟餐包左有窩夫雪糕，都係有彩色脆脆整靚佢，雪糕連埋窩夫食口感唔錯🍨藍莓芝士蛋糕（+$38）個芝士蛋糕賣相幾靚，面頭鋪上藍莓醬同藍莓，芝士蛋糕好滑，個藍莓醬又唔會過甜🍰 Tiramisu（+$48）Tiramisu係我朋友指定話要黎食既野，佢唔止個樣吸引，味道都好正，果種咖啡味好香滑，同埋裡面幾鬆軟😋今餐我地食得好豐富，甜品都叫左3樣，食到勁飽都係$600左右，但無計，我地樣樣野都想食，個二人餐又抵食，加下加下咁就飽曬，我覺得唔算貴之餘野食都好，特別甜品係我地較欣賞既環節🥰…查看更多

一心走到太子吃餃子，奈何門口的人龍實在太長，所以直接來到第二選擇，過對面試這家Owens。晚市8點，店內差不多坐滿了人，不過等位唔使太耐。點了個$408二人餐。其中一個沙律升級加錢點了法式蟹肉龍蝦湯。龍蝦湯都幾濃，食到粒粒蟹肉，對得住價錢。跟餐飲飲品有水準。凍檸檬柚子蜜和熱香茅生薑蜜，都好夠濃，唔會淡而無味。而且真係會放上薄荷和香茅調味，十分有誠意！黃金蟹肉意大利飯十分欣賞鹹蛋黃汁底夠juicy，入面混了鮑魚菇、黃椒及紅椒，增加口感。蟹蓋雖然小小一個。但是有滿滿的蟹肉，這個飯絕對收貨！德國脆皮鹹豬手豬要等20分鐘左右，外皮烤得香脆，肉質結實，又不失嫩滑，加上連着筋位，食落有咬口。伴碟的西蘭菜花及薯仔份量不少。追加脆炸魷魚鬚香脆彃牙惹味，簡單點沙律醬就好好食！意式白酒煮蜆蜆大大隻肥美鮮甜又冇沙，白酒汁夠香，跟餐價$38，好抵食！開心果蛋糕蛋糕不太甜，中間有開心果cream和醬，食落有淡淡開心果味。伯爵茶麻薯Tiramisu呢度招牌甜品之一，Tiramisu的伯爵茶味出，cream亦好幼滑！中間的麻糬做到拉絲般煙靭，十分出色，男朋友想即時encore多一個，可惜已經賣晒！估唔到食唔到餃子嚟到呢間西餐，竟然有意外驚喜！下次嚟一定要試埋意粉！…查看更多