張公館

營業中

休息中

今日放假陪媽咪去維園行年宵，行之前醫下肚，又唔想去皇室堡啲酒樓咁嘈，就去登龍街樓上中菜餐廳，貪佢裝修新淨，可以舒舒服服嘆個茶，食少少點心～-呢度嘅茶會用蠟燭一路熱住，唔怕放到凍哂，幾貼心🥰-酥皮菠蘿叉燒包嘅叉燒都幾大粒，皮又有啲酥脆，啱啱熱辣辣整起好好味🤤脆脆笑哈哈有啲似炸両，但入面仲有蝦肉，食落層次好豐富，又脆口又彈牙～-櫻花蝦蘿蔔糕好香蝦米仔味，蘿蔔比例幾好，唔會好粉～麻辣燒賣幾啱我食，辣椒油都唔駛點夠哂辣～🤣-羊肚菌素餃有原隻羊肚菌同切碎咗嘅菇類，味道幾多，唔會因為素食而無乜味～翡翠明珠球望落去以為係綠茶味甜品🤭佢好又心思用竹笙包住，咬落去有啲爽口感覺