Muze Mozz (已結業)

今晚揀到呢間環境清幽、食物質數好嘅chill 😌清bar，佢唔似出面嗰啲淨係得嘈字，連講句嘢都要勁大聲，呢度啲食客好斯文，所以係一個談心聚舊嘅好地方🥰黎到首先叫左两杯cocktail：💥Grace💥bacardi limon(百加得檸檬冧酒)、梨、蘋果、檸檬草、蜜糖，入囗清新，每啖都有好香嘅檸檬味🍋💥M York💥檸檬草冧酒、百香果、蔓越莓、蛋白，第一啖質感好厚，跟住有種好香嘅百香果，總知感覺好得意，好想繼續飲落去❤️前菜💥西班牙八爪魚沙律💥八爪魚刺身、爽甜脆囗嘅蕃茄仔(一定係精心挑選過😂)，沙律菜再加黑醋，令胃口大開🤗主菜💥Mozz法式焗釀春雞💥外間嘅燒或焗香雞，只得外面脆，但肉就鞋霎霎，一啲味都冇，但佢呢度嘅法式焗春雞，就剛剛相反，焗出黎恰到好處皮薄肉嫩，配埋燒汁，更加提升到雞肉嘅鮮味😋💥香煎鱸魚伴西班牙式蕃茄意粉💥呢個一定要讚，煎封過嘅鱸魚保留住肉質鮮美，意粉煮得好好，配埋烘過嘅蕃茄好入味，仲有西班牙臘腸，令個意粉好有質感，好驚喜，呢個下次黎一定要再點🤭