美味餃子店

營業中

休息中

呢間水餃店我由舊舖食到而家，由20幾蚊食到而家$47 （我淨係食韭菜餃㗎唧），其實食到有啲嬲嘅，唔係佢哋唔好食，亦都唔係佢哋偷工減料，而係呢個加幅實在太過驚人啦！如果我冇記錯我第一次食，大概6年前，嗰時只售$23，就算係細舖都搬大舖，就算係平民米芝蓮鋪頭，都唔使100%加幅吓嘛！😡 OK! 以價錢嚟計，香港閑閑哋食一餐都要$50，而我又負荷得到，又有時間排隊，就食下喇，因為：👉🏻 食唔出味精果種好好味嘅味道，絕對係真材實料🤤👉🏻 住家靚湯，真係放心飲用👉🏻 大大隻，男人食十隻都夠飽其實我真係好鍾意食韭菜水餃，荃灣有一間好出名嘅，又係排隊排到癲咗，佢嘅賣點係好大隻，感覺好抵食，不過你真係會食得出好多味道，係味精果隻好食。而美味餃子店係好清果隻好食。真心希望佢哋唔好再加價，日日都咁多人排隊，回饋一下社區啦！