遙

營業中

休息中

壽司，刺身，一直都係我最喜愛既食物。相比起市面上大型連鎖日本餐廳，我更喜歡找尋一些埋沒在大街小巷的小店，所以今次同朋友嚟到土瓜灣一帶，一間裝修得十分別緻既餐廳。入到去餐廳既佈置同氣紛都充滿日本嘅風格，佈置得十分有心思，而且環境都十分寬敞。餐廳菜式總共有過百款菜式，而我哋今次主打就係壽司和刺身，係咁多種選擇下我哋當然樣樣都想試，當我哋都決定唔到揀什麼好時，侍應就推介我哋試下刺身同壽司拼盤。話咁快刺身拼盤就黎到啦，餐廳職員先向我地介紹每一種食材。原來呢一間餐廳所有魚生都係空運到港，而且仲要收到ORDER先會切，絕對保持最新鮮嘅狀態。一試，果然不負眾望，非常新鮮，魚生超級肥美。食到咁上下，壽司拼盤都到，一共有十件，每一款都係由壽司師父配搭，令客人食到最新鮮嘅味道。最後當然唔少得甜品啦，紅綠豆糕係日本其中一個最巨特色的甜品，唔會太甜非常清新。呢間餐廳對食材好有要求，而且價錢比起連鎖日本餐廳更平，大眾化既價錢，食到咁出色食物，絕對值得推介。