遙

營業中

休息中

遙食評應承咗師姐請食飯，揀咗良辰吉日找數，朋友介紹咗一間土瓜灣開業咗13年，性價比高嘅居酒屋，我同師姐都係喜歡日本飲食嘅朋友，所以趁做嘢食好嘢。 第一次幫襯嘅客人都會好奇一件事，「點解老闆係韓國人，唔開韓國餐廳，會開日本居酒屋？」 原來愛屋及烏嘅老闆喺香港住咗將近20年，了解香港人喜歡日本菜，所以投其所好。佢喺韓國老家修讀酒店管理，之後喺酒店嘅日本餐廳工作，所以老闆係日本菜同埋日本清酒嘅專家，因此我哋呢一餐就交畀老細發辦。 同師姐傾咗冇幾多句，就上咗牛油果大蝦沙律，呢道沙律賣相看似普通，其實一入口就會見真章。首先感受到沙律菜嘅新鮮爽脆，車厘茄粒粒飽滿，大蝦口感實淨，牛油果嘅軟硬質感啱啱好，唔會過熟或者過生，係多咗少少沙律醋，整體感覺吸收緊源源不絕嘅大自然嘅能量。 跟住上嘅就係居酒屋必備嘅串燒，老闆幫我哋揀咗白鱔、雞腎、牛舌、同埋黑豚蘆筍卷。食材新鮮，上菜嘅食物幾乎都係原汁原味，只係牛舌配芥末籽醬。白鱔爽脆，雞腎爽口。坊間嘅串燒牛舌，喺一款容易燒到輆口嘅一道菜，師傅突出牛舌嘅味道，加埋芥末籽醬，係平常日本菜以外嘅食法。黑豚蘆筍卷，黑豚燒肉片不油不膩，包住幼嫩嘅蘆筍，係一個味道同賣相都精緻

早兩日在土瓜灣的遙壽司吃了一頓午餐，點了8件錦壽司配熱烏冬，還有燒三文魚鮨。整體來說，這次的用餐體驗算是中規中矩。壽司的味道還過得去，材料也算新鮮，但總覺得少了點驚喜。配搭的烏冬湯底有點偏咸，雖然麵條口感不錯，但湯的鹹味稍微蓋過了其他風味，有點破壞了整體的感覺。至於燒三文魚鮨，魚肉雖然新鮮，但燒得不夠香，沒什麼特別突出的味道，整體來說感覺很平淡 😐。服務方面還算可以，服務員態度友好，但上菜速度有點慢，可能因為當時人比較多，等菜的時間有點長，這讓用餐的體驗稍微打了點折扣 🕒。這頓飯總共花了HK$365，以香港的物價來說，性價比還算不錯 💰。不過，如果你是想找特別美味的壽司，這裡可能不會讓你特別驚喜。總的來說，遙壽司的壽司和烏冬都還算中規中矩，沒有什麼特別出色的地方，但也不至於讓人失望。烏冬湯底有點咸，可能不太適合喜歡清淡口味的朋友。如果你在土瓜灣附近，只是想隨便吃點壽司填飽肚子，這裡還是可以考慮的，只是不要抱太高期待就好 😊。

雖然好食，但是谷歌4.8分的原因... 這間是居酒屋，女兒不明白何謂居酒屋，我笑說日本茶餐廳。這間居酒屋 有壽司、刺身、串燒、天婦羅、鍋物、鰻魚飯，食物質素也在平均之上。

今晚無意中試了一家日本菜小店，味道都幾正宗，我點了日式鰻魚飯定食，除了鰻魚飯之外，還有一份日式沙律及麵豉湯一碗。整體的味道真的不錯。鰻魚飯的鰻魚很厚身，而且亦煮得很乾身，鰻魚的汁香得黎唔會好甜，飯的軟硬度亦算適中。此店似乎是日本人開的，難怪味道很地道。

今次行到土瓜灣親試嗰間日本菜，一入去就覺得好有㨂味🍜。三文魚腩壽司入口即化，好滑好豐潤，飯叮叮地有粒粒分明嘅口感，贊！吞拿魚Set驚喜滿滿，三種吞拿魚部位，每款都鮮甜得滯，小卷更加係咸香適中，啖啖肉感，好滿足。唔單止壽司咁簡單，大蝦野菜天婦羅亦都做得唔錯，蝦仁鮮甜彈牙，天婦羅衣薄身又唔油膩，飛起！飯後仲有個雪米糍，涼快解膩，作結好得意。依家的櫃檯前仲放曬啲齊鬼嘅日本酒，等緊你來挑戰。呢度真係食貨必試嘅好地方，用心嘅日式料理，質素一流，氣氛悠閒，完美適合聚餐分享😋。打算下次同三五知己再嚟，共嘗美酒佳餚！

在土瓜灣地鐵站附近的餐廳，因為跟朋友在附近想食晚飯，但9點大多數食肆都已經打烊或者準備打烊。所以在一個北風吹的晚上，在餐廳點了一個Sukiyaki壽喜燒，熱騰騰的菜和肉鍋，加一個烏冬，很好地安慰了五臟廟。即點即整的芒果和牛油果卷也很新鮮。跟老闆娘聊了一下，最後送了兩個雪米糍給我地，很好地平衡了剛剛因為熱菜而變得滾燙的口腔感覺，強烈建議需要一些冰冷口感在壽喜燒鍋之後奉上，因為這樣帶來的用餐體驗真的能倍增的。雪米糍其實要不了多少錢，但帶來的賓至如歸的感覺卻是可以讓食客記住了而願意再回頭。

幾好食，如果午市嚟食會更抵。但so far 都ok食落覺得新鮮，而且有冷鳥冬，幾少見。但好食。十件壽司唔算貴，價格可接受。而且有特色自家製嘅茶，唔錯。冰卷原來係糯米糍。

土瓜灣日本餐廳唔多，每次想食日本野一定係去遙！😃😃好食又唔貴，值得一去再去的日本餐廳，勝價比高，👍🏻👍🏻👍🏻推介必食芝麻雞翼，芒果蟹籽沙律，牛油果軟殼蟹反卷壽司，串燒👏🏻👏🏻👏🏻

The  food   came  fast  and  with high value for money. The menu provides a wide range of choices, good for both kids and elderly, a glass of Asahi draught beer charges $38 only! The waiters are polite and efficient. Highly recommended to this small family Japanese restaurant.

天氣熱， 唔想行太遠攪到一身汗味， 搵間近的店食lunch.見到這間有午市套餐， 試吓先， 叫咗個什錦壽司加熱烏冬， 味道唔錯， 係地方比較迫， 食野時， 若有人帶袋或背包， 9成會中獎。

咁啱星期二同另一位朋友都放假，就心血來潮約食飯，等埋另一位朋友放工，三兄弟柴娃娃諗住一齊喺旺角食串燒店，無想到平日都無位🤷🏿‍♂️另一位朋友立即建議到土瓜灣，佢食開一間居酒屋，不錯！立即坐車轉移場地。沒想到，來到時這間居酒屋也座無虛席，平日都咁熱鬧🙈老闆安排了近門口角落一張二人枱，加多一個位，坐得親密啲。一輪勞頓肚餓了，立即點嘢食。先點了一個雞軟骨餃子🥟餃子皮煎得香脆，再加雞軟骨煙韌口感。炸芝麻雞翼，由於唔夠分，我沒有食。點了3杯 Sapporo ，Sapporo口感順滑易入口。再來炸廣島蠔，炸粉唔厚，所以食到酥酥脆脆的口感。再來是刺身拼盤，吞拿魚都算新鮮，沒有根，入口就溶化；帶子一般般，可能不是厚切，沒有那種很滿足的口感；不知名白肉魚😂，平時放題唔喜歡食白肉魚，因為唔新鮮會好腥，但這個沒有腥味，還食到魚既鮮味。三個男孩要點返啲澱粉質。海膽炒飯這個炒飯炒得好好味，海膽味不是太搶，恰到好處。鵝肝帶子炒飯這個略嫌失色少少，帶子既鮮味沒有提升個飯鮮味及層次，是個鵝肝煎得很香口。啤酒飲完，意猶未盡，再點了一支清酒🍶點了酒，又再點了幾個下酒小菜 😆😆😆汁燒魷魚🦑炸雞軟骨最後老闆送了個甜品給我們作結

自己一個人去土瓜灣亂入日本餐廳，估吾到呢間細細唧居酒屋咁正！我平時好鍾意食明太子汁，所以都會係吾同餐廳叫明太子嘅野食。個明太子玉子太出色了😍😍😍熱辣辣，個玉子燒到好香又吾會太甜。明太子嘅鹹同玉子嘅甜原來可以配搭得咁好，極力推薦。炙燒左口魚壽司一黎到即食係最正，暖笠笠，入口即溶，啲魚油嘅香味係口入面散發，好幸福😙三文魚子好明顯醃製過，偏甜，但我比較鐘意腥啲嘅口味，所以一般。海膽都算新鮮，不過食吾食到甜真係好靠運氣。個鵝肝外面煎到好脆，幾香，不過我比較鍾意外脆內軟，入口即溶嘅感覺多啲，同埋呢隻汁吾太啱我口味，但都好食嘅！軟殻蟹手卷就吾推薦，無咩特別。整體黎講係值得再番去食嘅！

午餐定食好抵食冇意中發現原來有個黑板係寫有午市🤣平時都係食佢餐牌個d🤪今次食吉列豬扒烏冬😋即叫即炸！🥰上到黎仲熱辣辣！個炸粉都炸到好薄好正！底下仲有張吸油紙！烏冬係稻庭烏冬😋😋正呀！每次食完仲會送一粒雪米糍🤣次次都唔同味！今次係抹茶味！

今日幫襯左一間位於土瓜灣嘅小店，食日本菜嘅，質素唔錯而且價錢平，值得推薦。我哋兩個人主打食壽司，叫咗帶子壽司、三文魚壽司同埋一個是日廚師推薦嘅吞拿魚壽司Set。三文魚壽司$26有兩件，件三文魚都算新鮮，而且唔會切得太薄，不過壽司飯就一般般。帶子壽司成為$40，帶子好新鮮，性價比高。吞拿魚壽司Set都幾抵， $148有三件唔同部位嘅吞拿魚壽司，然後再加6小件嘅吞拿魚小卷，d吞拿魚好新鮮。之後我哋追加咗一個大蝦野菜天婦羅，佢唔到$85竟然有4隻蝦，正常size 㗎，個天婦羅粉漿都幾薄。

因為同老人家一齊食，所以今次食日本菜全部都係熟食，整體味道唔錯，樓面似乎由老闆一人打理，真係辛苦晒。安格斯牛肉稻庭烏冬份量都幾大碗，安格斯牛肉幾好食，最重要係夠淋，老人家都咬到。叉燒拉麵味道都唔錯，唯一缺點係啲叉燒比想像中細，不過以$65一碗來講又無可厚非嘅。另一個就叫稻庭烏冬(即係淨烏冬)然後自己加一份日本南瓜天婦羅嘅自製天婦羅烏冬，份日本南瓜天婦羅一碟有五件，味道唔錯，南瓜嘅厚薄切得適中，烏冬都好滑。之後再加咗兩個餸，分別係金菇牛肉卷同埋燒白鱔。我想講個燒白鱔真係好好食，佢燒得好好，外面燒得夠乾夠趣且少少燶，鎖住入面白鱔肉嘅肉汁，而且唔會細細件。知佢個金菇牛肉卷味道都OK，只係比想像中幼身啲，唔似出邊食到嗰啲脹卜卜咁樣。