スーパー丼 (駱克道) (已結業)

Superdon呢期做緊蠟筆小新主題，小葵即刻捉我陪佢去打卡。餐牌都設計得好靚，仲有好多唔同卡通人物喺上面，大家又知唔知右邊嗰兩個女人叫咩名？鵝肝和牛丼其實都係其中一款招牌菜式，和牛鋪滿整個丼飯，另外仲有煎得好香嘅鵝肝，呢個價錢真係好抵食。另外仲揀咗雪糕咖喱牛肉飯配腐皮壽司，係蠟筆小新嘅至愛。究竟咖喱上面加舊雪糕係咩玩法，最近都有見過幾次，不過食就真係第一次，原來都幾得意，雪糕令到咖喱飯更香更滑更甜，味道都唔錯嘅。有蠟筆小新陪我食，其實食咩都咁好食，哈哈！一路食一路仲俾小新望住，真係好鬼得意！