金陵會潮宮

營業中

休息中

今次去咗一間高級潮州菜餐廳，試咗佢哋嘅臻品鮑魚套餐，做緊買一送一，$888兩位。一坐低就有滷水鵝肉拼盤，鵝肉嫩滑，滷蛋入味，豬耳爽脆，大腸香濃，豆腐吸晒滷水汁，樣樣都滷得啱啱好。蒜香牛仔粒煎得啱啱好，外焦內嫩，蒜香味好濃郁，食落好惹味！普寧炸豆腐外脆內軟，豆味香濃，配埋特式凍馬友，魚肉鮮甜，食落好開胃！之後滋補藥膳燉竹絲雞湯，湯底濃郁，藥膳味香，竹絲雞肉嫩滑，飲落好滋補，成個人暖笠笠！潮宮臻品十五頭乾鮑魚，鮑魚口感特別。金湯石榴帶子，賣相精緻！雲腿扒大芥菜，芥菜爽脆，雲腿鹹香！麵線煮得啱啱好，吸晒湯汁，食落好滿足！最後食返個甜品紫米露，紫米煮得軟糯，甜度啱啱好。