譚仔三哥米線 (幸福中心)

營業中

休息中

好自然久不久便會吃麻辣米線，已經成為日常一般嘅習慣，今日來到尖東，梗有一間喺左近。魚腐米線麻辣三小辣，少米線可以減$1，另外加咗個豬耳，"口水"風味。今日個三小辣唔知點解特別辣，ok都食到。芽菜、韮菜同腐皮都唔少。特別鍾意食佢嘅魚腐，淋淋地，有魚味，唔似出面搵一些扁咗嘅魚蛋扮魚腐，而家單拼有五件，以前有六件㗎，物價又升了。個豬耳用咗口水汁，少少辣，好香麻油味，豬耳爽脆，唔錯。凍奶茶少冰走甜，一般水準啦。今日得自己一個，否則好想試下個新菜式~辛蒜燒茄子，賣相吸引。